ઈન્ડોનેશિયાની રાજધાની જકાર્તાના એક ઓઈલ ડિપોમાં ભીષણ આગ લાગી ગઈ છે. આગ એટલી ખતરનાક રીતે લાગી છે કે આખા વિસ્તારમાં હડકંપમચી ગયો છે.
ઈન્ડોનેશિયાની રાજધાની જકાર્તામાં લાગી આગ
આગના કારણે 17 લોકોના મોતની ખબર
52 ફાયર ફાઈટરની ગાડીઓ આગ પર કાબુનો કરી રહી પ્રયત્ન
ઈન્ડોનેશિયાની રાજધાની જકાર્તાના એક ઓઈલ ડિપોમાં ભીષણ આગ લાગી ગઈ છે. આગ એટલી ખતરનાક છે કે તેના કારણે આખા વિસ્તારમાં હડકંપ મચી ગયો છે. આગની ઉંચી-ઉચી જ્વાળા અને ધૂમાડાથી વિસ્તારમાં હાહાકાર મચી ગયો છે. આ ઘટનામાં અત્યાર સુધી 17 લોકોના મોતની ખબર સામે આવી છે.
52 ફાયર ફાઈટરની ગાડીઓ મળીને આગ પર કાબુ કરવાનો પ્રયત્ન કરી રહી છે. 50થી વધારે લોકોને હોસ્પિટલમાં દાખલ કરવામાં આવ્યા છે. ઘણા લોકોની સ્થિતિ ગંભીર છે. હજુ આગમાં ઘણા લોકોના ફસાયા હોવાની આશંકા છે. એવામાં મોતની સંખ્યા વધી શકે છે.
હજારો લોકો આવ્યા ઘરની બહાર
જણાવવામાં આવી રહ્યું છે કે જકાર્તાના એક ઓઈલ ડેપોમાં શુક્રવારે ભીષણ આગ લાગી. અધિકારીઓએ જણાવ્યું કે આગના આસપાસના વિસ્તારોમાં ફેલાવ્યા બાદ ત્યાં રહેતા હજારો લોકોને તેમના ઘરોમાંથી બહાર કાડવા પડ્યા હતા.
સરકારી ઓઈલ અને ગેસ કંપની પર્ટામિના દ્વારા સંચાલિત ઓઈલ ભંડાર ડિપો ઉત્તરી જકાર્તા હેઠળ મેરાહ વિસ્તારમાં આબાદી વાળા ક્ષેત્રની પાસે સ્થિત છે. તે ઈન્ડોનેશિયાની ઓઈલ જરૂરીયાતોના 25 ટકા સ્ટોક પુરો પાડે છે. ફાયર ફાઈટર અધિકારીઓએ જણાવ્યું કે ઓછામાં ઓછા 260 કર્મચારીઓ અને 52 ગાડીઓ આસપાસના વિસ્તારમાં આગ પર કાબુ મેળવવા માટે કામ પર લાગી છે.
ઘરો તરફ ફેલાઈ આગ
જકાર્તા ફાયર ફાઈટર વિભાગના પ્રમુખ એસ ગુનાવાને જણાવ્યું કે ઘટનાસ્થળની આસપાસ રહેતા લોકોને હજુ પણ કાડવામાં આવી રહ્યા છે અને તેમને ગામના એક હોલ અને એક મસ્જિદમાં લઈ જવામાં આવ્યા છે.
તેમણે જણાવ્યું કે આગના કારણે ઘણા વિસ્ફોટ થયા છે અને તે ધડપથી ઘરો સુધી ફેલાઈ ગઈ છે. તેમણે કહ્યું કે ઓછામાં ઓછા 17 લોકોના મોત થયા છે જેમાં બે બાળકો પણ શામેલ છે.