કોરોના મહામારી વચ્ચે રાજ્યમાં આવતીકાલે ધોરણ 12 સાયન્સનું પરિણામ જાહેર થશે. ધોરણ 12 સાયન્સના વિદ્યાર્થીઓ સવારે 8 વાગે બોર્ડની વેબસાઇટ www.gseb.org પરથી પોતાનું પરિણામ જાણી શકશે.
આવતીકાલે 12 સાયન્સનું પરિણામ જાહેર થશે
આવતીકાલે બોર્ડની વેબસાઈટ પરથી મળશે પરિણામ
માર્કશીટ માટે નવી તારીખ જાહેર કરશે
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 12 વિજ્ઞાન પ્રવાહનું પરિણામ આવતીકાલે જાહરે કરવામાં આવશે. રાજ્યના 1 લાખ 45 હજાર વિદ્યાર્થીઓએ પરીક્ષા આપી હતી. રાજ્યમાં 12 વિજ્ઞાન પ્રવાહનું પરિણામ બોર્ડની વેબસાઇટ www.gseb.org પરથી વિદ્યાર્થીઓ ઓનલાઇન પરિણામ જાણી શકશે. જોકે માર્કશીટ માટે નવી તારીખ જાહેર કરવામાં આવશે. માર્કશીટ સહિતના ડોક્યુમેન્ટ મેળવવાની અલગથી તારીખો જાહેર થશે.
મહત્વનું છે કે, કોરોનાની મહામારીને કારણે CBSE બોર્ડની પરીક્ષા ટળી હતી. ત્યારે CBSE બોર્ડની પરીક્ષાની નવી તારીખોની આજે પણ જાહેરાત થઇ નથી. 18 મેએ ધોરણ 10 અને 12ના બાકીની પરીક્ષાઓની જાહેરાત થશે. બાકીની પરીક્ષાઓની જાહેરાત CBSE બોર્ડ કરશે.