નોર્થ ઈસ્ટ ચીનની એક રેસ્ટોરન્ટમાં ભયાનક આગ લાગતા ઓછામાં ઓછા 17 લોકો જીવતા બળી મર્યા હતા.
ચીનના ચાંગચુન શહેરની રેસ્ટોરન્ટની ઘટના
ગેસ લીકેજને કારણે લાગી ભયાનક આગ
17 ગ્રાહકો બળી મર્યા, 3 ગંભીર રીતે બળ્યાં
ચીનના ચાંગચુન શહેરમાં ગેસ લીકેજને કારણે એક ભયાનક આગ ફાટી નીકળી હતી જેમાં ઓછામાં ઓછા 17 લોકો જીવતા બળી ગયા હતા તથા 3 લોકો ગંભીર રીતે દાઝ્યા હતા. ન્યૂઝ એજન્સીના અહેવાલ મુજબ, વેઇબો સોશિયલ મીડિયા પ્લેટફોર્મ પર પોસ્ટ કરેલા સ્થાનિક મીડિયા દ્વારા એક નિવેદન અનુસાર, ચાંગચુન શહેરમાં એક રેસ્ટોરન્ટમાં બપોરે 12:40 વાગ્યે આગ ફાટી નીકળી હતી.
આગ લાગી ત્યારે ગ્રાહકો જમી રહ્યાં હતા
આગ લાગવાની ઘટના બની ત્યારે ત્યાં કેટલાક ગ્રાહકો જમી રહ્યાં હતા જોકે કેટલાક લોકો ભાગી છૂટવામાં સફળ પણ રહ્યાં હતા જે લોકો ભાગી ન શક્યા અથવા તો બીજી કોઈ રીતે ત્યાં ફસાઈ ગયા તેવા 17 લોકોના મોત થયા છે.
17 dead in northeast China restaurant fire: AFP news agency citing authorities
ચીનમાં વધી રહી છે આગની ઘટના
ઉલ્લેખનીય છે કે તાજેતરના સમયમાં ચીનમાં આગ લાગવાની ઘટનાઓ વધી રહી છે. આ પહેલા જુલાઈમાં પણ એક મોટી ફાટી નીકળી હતી જેમાં 15 લોકોના મોત થયા હતા.
16 સપ્ટેમ્બરે પણ ચાંગ્શા શહેરની બહુમાળી બિલ્ડિંગમાં લાગી હતી આગ
ઉલ્લેખનીય છે કે 16 સપ્ટેમ્બરે પણ ચીનના ચાંગ્શા શહેરની એક બહુમાળી બિલ્ડિંગમાં ભયાનક આગ લાગી હતી. 42 માળની બિલ્ડિંગમાં લાગેલી આગ બૂઝાવવા ઘણા કલાકો લાગ્યા હતા.