2014માં શરૂ થયેલી ગુજરાત ભાજપને કોંગ્રેસયુક્ત કરવાની યોજના 2019માં 17થી વધારે નેતાઓ સુધી પહોંચી છે. ભાજપ કંઈક લાડવા આપી દેવાનું હોય તેવી ઉતાવળે આવેલાં કોંગી ધારાસભ્યોમાંથી ભાજપે માત્ર 3ને જ મંત્રીપદ આપીને સાચવ્યા છે. બીજા બધાતો ઠેરના ઠેર જ છે.
નરેન્દ્ર મોદી જ્યારે ગુજરાતના મુખ્યમંત્રીમાંથી 2014માં પ્રધાનમંત્રી બન્યા ત્યારે દેશમાં ચૂંટણી પ્રચાર દરમિયાન ‘કોંગ્રેસમુક્ત ભારત’નો નારો આપ્યો હતો. પરંતુ 2014 બાદ ગુજરાત ભાજપ ‘કોંગ્રેસયુક્ત’ બની ગયું છે. છેલ્લા 5 વર્ષમાં 17 કોંગી ધારાસભ્યો અને પૂર્વ ધારાસભ્યો ભાજપમાં ભળ્યા છે.
17માંથી માત્ર 3 ધારાસભ્યોને જ ભાજપ ફળ્યું:
2014માં શરૂ થયેલી ગુજરાત ભાજપને કોંગ્રેસયુક્ત કરવાની યોજના 2019માં 17થી વધારે નેતાઓ સુધી પહોંચી છે. ભાજપ કંઈક લાડવા આપી દેવાનું હોય તેવી ઉતાવળે આવેલાં કોંગી ધારાસભ્યોમાંથી ભાજપે માત્ર 3ને જ મંત્રીપદ આપીને સાચવ્યા છે. બીજા બધાતો ઠેરના ઠેર જ છે.
છેલ્લા એક વર્ષમાં ભાજપે 7 કોંગી ધારાસભ્યોને કેસરિયો પહેરાવ્યોઃ
2017ની વિધાનસભા ચૂંટણીમાં ભાજપને જીતતો મળી પણ પ્રજાનો મુડ કોંગ્રેસ તરફી પણ છે એવું સ્પષ્ટ થઈ ગયું હતું. આથી ભાજપે ચૂંટાયેલા કોંગી ધારાસભ્યોને ભાજપનો કેસરિયો પહેરાવાનું અભિયાન શરૂ કર્યું. આ અભિયાનમાં 7 કોંગી ધારાસભ્યો રાજીનામાં આપી ભાજપના શરણે આવ્યાં.