બે પ્રાઈવેટ સ્કૂલના મેનેજરો પર 17 છોકરીઓનું યૌન શોષણ અને રેપ કર્યો
ઉત્તર પ્રદેશના મુઝફ્ફરનગર જિલ્લામાં બે પ્રાઈવેટ સ્કૂલના મેનેજરો પર 17 છોકરીઓને કથિત રીતે કૈફી પદાર્થ પીવડાવીને યૌન શોષણ કરવા તથા બળાત્કાર કરવાનો આરોપ લાગ્યો છે. પોલીસે આ મામલામાં બન્ને લોકોની વિરુધ્ધ ફરિયાદ નોંધી છે. આની સાથે આ મામલામાં બેદરકારી વર્તવાને લઈને પોલીસ અધિકારીને લાઈન હાજર કરી દેવામાં આવ્યા છે.
ભાજપના નેતા અને સ્થાનીય ધારાસભ્યની દખલગીરી બાદ પોલીસે ફરિયાદ નોંધી
મુઝફ્ફરનગર જિલ્લાના વરિષ્ઠ પોલીસ અધિક્ષક અભિષેક યાદવે સોમવારે જણાવ્યું કે ભાજપના નેતા અને સ્થાનીય ધારાસભ્ય પ્રમોદ ઉટવાલની દખલગીરી બાદ પરિવારની ફરિયાદ પર મામલો નોંધવામાં આવ્યો છે. તેમણે જણાવ્યું કે પુરતાજી પોલીસ સ્ટેશનના પ્રભારી વિનોદ કુમાર સિંહને આ મામલામાં કથિત બેદરકારી વર્તવાને લઈને લાઈન હાજરી કરાવી દીધી. ત્યારે ભોપા સ્થિત સૂર્ય દેવ પબ્લિક સ્કૂલના સંચાલન યોગેશ કુમાર ચૌહાન અને પુરકાજી વિસ્તારમાં પડનારા જીજીએસ ઈન્ટરનેશનલ સ્કૂલના સંચાલક અર્જૂન સિંહની વિરુદ્ધ યૌન ઉત્પીડન, કૈફી દ્રવ્ય પીવડાવવા અને પોક્સો એક્ટની કલમ હેઠળ કેસ નોંધ્યો છે.
યાદવે જણાવ્યું કે આ કથિત ઘટના એ સમયે થઈ જ્યારે યોગેશ સૂર્ય દેવ પબ્લિક સ્કૂલમાં ભણનારી 17 છોકરીઓને પ્રયોગિક પરિક્ષા અપાવવા માટે જીજીએસ સ્કૂલ લઈ જવાયા હતા અને તેમને ત્યાં આખી રાત રોકાવું પડ્યું હતુ. પીડિતાઓના પરિવારજનોની ફરિયાદ અનુસાર બન્ને આરોપીઓને સગીર છોકરીઓને કથિત રુપથી નશીલા પદાર્થ પીવડાવી તેમનું યૌન શોષણ કર્યુ અને બળાત્કાર કરવાનો પ્રયાસ કર્યો.
આરોપીઓએ છોકરીઓને ધમકી આપી છે કે ઘટના અંગે કોઈને ન જણાવે
એસએસપી યાદવે પણ જણાવ્યું કે પરિવારજનોની ફરિયાદ છે કે આરોપીઓએ છોકરીઓને ધમકી આપી છે કે ઘટના અંગે કોઈને ન જણાવે. પરિવાર અનુસાર જ્યારે તે સ્થાનીક પોલીસ પાસે પહોંચ્યા તો તેમણે કોઈ પગલા ન ભર્યા. જે બાદ તેમણે ધારાસભ્યના સંપર્ક કર્યો. એસએસપીએ જણાવ્યું કે સ્કૂલ મેનેજમેન્ટના બન્ને વિરુદ્ધ આઈપીસી 328, કલમ 354 અને યૌન ગુનાઓથી બાળકોના સંરક્ષણ અધિનિયમ (POCSO) હેઠળ સંબદ્ધીત કલમો હેઠળ મામલો નોંધ્યો છે.