વીર નર્મદ યુનિવર્સિટીએ વિવિધ ફેકલ્ટીની ઓનલાઈન પરીક્ષા લીધી હતી, જેમાં 1600 વિદ્યાર્થી પર થયા કોપી કેસ
વીર નર્મદ યુનિવર્સિટીના ઇતિહાસમાં કોપી કેસની સૌથી મોટી ઘટના
કોરોના કાળને લઇ તમામ પરીક્ષાઓ યોજાઇ હતી ઓનલાઇન
3503 શંકાસ્પદ વિદ્યાર્થીઓમાંથી 1600 ચોરી કરતા હોવાનું ખુલ્યું
સુરત વીર નર્મદ યુનિવર્સિટીના ઇતિહાસમાં કોપી કેસની સૌથી મોટી ઘટના સામે આવી છે. કોરોના કાળને લઈને ઓનલાઈન યોજાયેલી પરીક્ષામાં 3503 વિદ્યાર્થીઓની પેપરમાં ચોરી કરતાં હોવાની શંકાસ્પદ ભૂમિકા જોવા મળી હતી, 60 પ્રોફેસર્સ સહિત સ્ટાફે ચકાસણી કરતાં 3503 શંકાસ્પદ વિદ્યાર્થીઓમાંથી 1600 ચોરી કરતા હોવાનું ખૂલતાં ખળભળાટ મચ્યો છે.
યુનિવર્સિટીએ લીધા આકાર પગલાં
ચકાસણી દરમિયાન 1600 વિદ્યાર્થીઓ ચોરી કરતા ઝડપાયા હતા. તમામ સ્ક્રીન શોર્ટસ અને રેકોર્ડિંગની ખંગાળતા પ્રૂફ સાથે યુનિવસિટીએ પરીક્ષામાં ચોરી કરનાર વિદ્યાર્થીને પકડી પાડયા છે. વિદ્યાર્થીઓ પર કાર્યવાહીના ભાગ રૂપે 500 રૂપિયા દંડ અને પરીક્ષાના 0 માર્કસ વીર નર્મદ યુનિવર્સિટી દ્વારા આપવામાં આવ્યા છે.મહત્વનું છે કે વીર નર્મદ યુનિવર્સિટી યોજાયેલી અલગ અલગ પરિક્ષા દરમિયાન પરીક્ષાના ચોરીના બનાવો બન્યા હતા.
કઈ રીતે વિદ્યાથીઓ ચોરી કરતાં પકડાયા
સુરતની વીર નર્મદ દક્ષિણ ગુજરાત યુનિવર્સીટી દ્વારા થોડા સમય પહેલા કોલેજના વિદ્યાર્થીઓની ઓનલાઈન એક્ઝામ લેવાઈ હતી. સરેરાશ 82 ટકા વિદ્યાર્થીઓએ હાલ ઓનલાઈન એક્ઝામ આપી હતી. વીર નર્મદ દક્ષિણ ગુજરાત યુનિવર્સિટીની ઓનલાઈન એક્ઝામમાં વિદ્યાર્થીઓ કોઈ ગેરરીતિ ન આચરે તેના માટે સ્પેશ્યલ મોનીટરિંગ ટીમ બનાવવામાં આવી હતી. જેમાં 60 વ્યક્તિઓનો સ્ટાફ કામ કરી રહ્યો હતો. અગાઉ લેવાયેલી ઓનાલાઈન વિવિધ પરીક્ષામાં વિદ્યાથીઓની વર્તણૂક પર ધ્યાન રાખવામાં આવ્યું હતુ. ઓબ્ઝર્વેશનમાં શકાસ્પદ ભૂમિકામાં દેખાતા વિદ્યાર્થીઑના સ્ક્રીનશોટ લેવામાં આવ્યા હતા જે બાદ 1600 વિદ્યાથીઓને ચોરી કરતાં તારવી તેમના સામે કાર્યવાહી કરવામાં આવી છે.
ઓફલાઇન પરીક્ષામાં નિરીક્ષકો કાપલી કે અન્ય રીતે ચોરીના કેસ પકડતા હતા ત્યાં હવે ઓનલાઈન એક્ઝામમાં સ્ક્રીનશોટ થકી વિદ્યાર્થીઓની ચોરી પકડવામાં આવી રહી છે.