પ્રેરણા / આ VIDEO જોવાનું કામ કાચા પોચાનું નહીં... 16 વર્ષની નંદીનીએ 7 લોકોના જીવ બચાવ્યા

• માતા-પિતાએ દીલ પર પથ્થર મુકી લીધો નિર્ણય 
• 7 લોકોના નંદિનીએ બચાવ્યા જીવ 
• ઝેરી દવા પી આત્મહત્યાનો કર્યો હતો પ્રયાસ

ધોરણ 12 માં અભ્યાસ કરતી દીકરીએ કોઈક કારણોસર ઝેરી દવા પી આપઘાતનો પ્રયાસ કર્યો. દીકરી બ્રેન ડેડ થતાં પરિવારે અન્ય લોકોને જીવનદાન મળે તે માટે ઓર્ગન ડોનેટ કરવાનો નિર્ણય લીધો. ઓર્ગનને વડોદરા પોલીસે ગ્રીન કોરિડોર દ્વારા હોસ્પિટલ થી એરપોર્ટ સુધી પહોંચાડયા. 

હાલોલમાં રહેતી અને ધોરણ 12 માં અભ્યાસ કરતી 17 વર્ષની નંદિની શાહ એ કોઈક કારણોસર ઝેરી દવા પી આપઘાતનો પ્રયાસ કરતા પરિવાર નંદનીને સારવાર માટે વડોદરાની સવિતા હોસ્પિટલમાં લાવ્યા હતા જ્યાં તબીબે નંદિની બ્રેન ડેડ હોવાની માહિતી પરિવારને આપી. જેથી પરિવારે નંદિનીના ઓર્ગન ડોનેટ કરવાનો નિર્ણય લીધો. હોસ્પિટલ સત્તાધીશોએ ઓર્ગન વહેલી તકે ટ્રાન્સફર કરવાના હોવાથી વડોદરા પોલીસની મદદ લીધી. વડોદરા પોલીસે હોસ્પિટલ થી એરપોર્ટ સુધી ગ્રીન કોરિડોર બનાવી ઓર્ગન ટ્રાન્સફર કરાવ્યા. વડોદરા એરપોર્ટથી બે સ્પેશિયલ ચાર્ટર પ્લેન મારફતે ઓર્ગન અલગ અલગ જગ્યાએ મોકલાયા. 

 
બ્રેન ડેડ દીકરીથી અન્યને નવું જીવનદાન મળે તે માટે ઓર્ગન ડોનેટ કરવાનો નિર્ણય 

સવિતા હોસ્પિટલના ચીફ મેડિકલ ડાયરેક્ટર ડો. મિતેષ શાહ એ કહ્યું કે બ્રેન ડેડ નંદિનીના હાર્ટ - દિલ્હી, લંગ્સ - મુંબઇ અને કિડની, આંખો અમદાવાદ ખાતે મોકલવામા આવ્યા. દિલ્હીની એઈમ્સ, બોમ્બેની ફોર્ટિસ અને અમદાવાદની આઈ કે ડી હોસ્પિટલમાં ઓર્ગન થી અન્ય દર્દીમાં સર્જરી કરી નવુ જીવનદાન આપવામાં આવશે. નંદિનીની માતા એ કહ્યું કે તેમને ક્યારેય નથી વિચાર્યું હતું કે તેમની દીકરી ઝેરી દવા પી આપઘાતની કોશિશ કરશે. નંદિની ધોરણ 12ની પરીક્ષા ને લઈ ચિંતિત રહેતી હતી. બ્રેન ડેડ દીકરીથી અન્યને નવું જીવનદાન મળે તે માટે ઓર્ગન ડોનેટ કરવાનો નિર્ણય લીધો. 

જ્યારે વડોદરા એડિશનલ પોલીસ કમિશ્નર ચિરાગ કોરડીયા એ કહ્યું કે તબીબ દ્વારા મદદ માંગવામાં આવતા વડોદરા પોલીસે તાત્કાલિક ગ્રીન કોરિડોર બનાવ્યો. જ્યાં હોસ્પિટલથી એરપોર્ટ સુધી એક તરફનો માર્ગ બંધ કરી પોલીસ પેટ્રોલિંગ સાથે ઓર્ગન ને સફડતા પૂર્વક ટ્રાન્સફર કરવામાં આવ્યા.