ઓસ્ટ્રેલિયાનો પ્રવાસ કરી રહેલી પાકિસ્તાનની ટીમનો કિશોર ખેલાડી નસીમ શાહ ફક્ત 16 વર્ષનો છે અને તેણે ફક્ત 7 ફર્સ્ટ કલાસ મેચ રમી છે. ઓસ્ટ્રેલિયા 'એ' ટીમ સામેની મેચમાં નસીમ શાહે ઘાતક બોલિંગ ફેંકીને કાંગારું બેટ્સમેનોને પરેશાન કર્યા હતા.
નસીમ શાહ ફક્ત 7 ફર્સ્ટ ક્લાસ મેચ રમ્યો છે જેમાં તેણે 27 વિકેટો ખેરવી છે.
પાકિસ્તાનના કોચ મિસ્બાહ ઉલ હકે નસીમને શ્રેણીનો સરપ્રાઈઝ પેકેજ ગણાવ્યો હતી અને સાથે નસીમને સંયમ રાખવાની સલાહ આપી હતી.
પાકિસ્તાનની અફઘાનિસ્તાન સરહદ નજીક લોઅર દીર જિલ્લામાં જન્મેલ નસીમ શાહ ઓસ્ટ્રેલિયન ધરતી ઉપર ડેબ્યુ કરી રહેલો સૌથી યુવા ક્રિકેટર છે. નસીમ શાહ ફક્ત 7 ફર્સ્ટ ક્લાસ મેચ રમ્યો છે જેમાં તેણે 16.66ની સરેરાશ સાથે 27 વિકેટો ખેરવી છે.
નસીમ ઉપરાંત ફાસ્ટ બોલિંગમાં બીજા બે યુવા ખેલાડીઓ પોતાની પ્રતિભા સાબિત કરવા મથી રહ્યા છે જેમાં મોહમ્મદ મુસા અને 19 વર્ષીય શાહીન આફ્રિદીનો સમાવેશ થાય છે. આ ખેલાડીઓ સામે ટીમમાં મોહમ્મદ અબ્બાસ અને ઇમરાન ખાન જેવા સિનિયર ફાસ્ટ બોલર્સ ટીમને સંતુલિત કરે છે.
કોચ મિસ્બાહ ઉલ હકે આ ખેલાડીઓને વધુ પડતું કવરેજ આપીને તેમની ઉપર વધુ પડતી અપેક્ષાઓનો ભાર લાદી દેવા બદલ ઝાટકણી કાઢી હતી. પાકિસ્તાનના સ્વિંગ બોલર વકાર યુનુસે 1989માં ભારત સામે કરાંચીમાં તેના 18માં જન્મદિવસના એક દિવસ અગાઉ ડેબ્યુ કર્યું હતું અને તેણે પહેલી ઇનિંગ્સમાં 4 વિકેટ ઝડપી હતી. યુનુસ હાલ પાકિસ્તાનનો બોલિંગ કોચ છે જેણે નસીમની એક્શનને ઓસ્ટ્રેલિયાના સુપ્રસિદ્ધ બોલર ડેનિસ લીલી સાથે સરખાવી હતી.
ગયા અઠવાડિયે નસીમની માતાનું અવસાન થયું હતું. નસીમે આ સમયે ઘરે જવાને બદલે મેચ આગળ ધપાવીને પોતાના પરિવારની ઈચ્છા પુરી કરવાનું નક્કી કર્યું હતું. તેણે ત્યાર બાદ મેચમાં 8 ઓવર નાખી હતી જેમાં તેણે માર્કસ હેરિસની વિકેટ લીધી હતી.
'ગૅબા'ની પીચ ફાસ્ટ અને ઉછાળભરી છે જે નસીમ જેવા બોલર્સ માટે સ્વર્ગસમી છે. પાકિસ્તાનના કોચ મિસ્બાહ ઉલ હકે નસીમને શ્રેણીનો સરપ્રાઈઝ પેકેજ ગણાવ્યો હતી અને સાથે નસીમને સંયમ રાખવાની સલાહ આપી હતી કારણ કે નસીમ જો રમશે તો તેની પહેલી જ મેચમાં સ્ટીવ સ્મિથ જેવા ધુરંધર ખેલાડીઓ સામે ટકરાશે. બોલર માટે ઝડપ જેટલું જ મહત્વનું શિસ્ત છે.