પાકિસ્તાનમાં 16 વર્ષની હિંદુ યુવતીનું બળજબરીથી ધર્મ પરિવર્તનની ઘટનાના વિરોધમાં લોકોએ નવાબશાહ સ્થિત પૂર્વ રાષ્ટ્રપતિ આસિફ અલી ઝરદારીના ઘરની બહાર પ્રદર્શન
પાકિસ્તાનમાં હિંદુ યુવતીનું બળજબરીથી ધર્મ પરિવર્તન
યુવતીનું અપહરણ કરીને બળજબરીથી ધર્મપરિવર્તન કરાવ્યું
ધર્મ પરિવર્તન બાદ મુસ્લિમ વ્યક્તિ સાથે તેના લગ્ન કરાવ્યા
પાડોશી દેશ પાકિસ્તાનમાં 16 વર્ષની છોકરીના ધર્મ પરિવર્તનનની ઘટના સામે આવતાં ચકચાર મચી ગઈ છે. આરોપ છે કે, એક 16 વર્ષની હિંદુ છોકરીનું અપહરણ કરીને બળજબરીથી ધર્મપરિવર્તન કરાવ્યું હતું અને બાદમાં એક મુસ્લિમ વ્યક્તિ સાથે તેના લગ્ન કરાવવામાં આવ્યા હતા. આ ઘટનાને લઈને સ્થાનિક લોકોમાં ભારે રોષ જોવા મળી રહ્યો છે. આ ઘટનાના વિરોધમાં લોકોએ નવાબશાહ સ્થિત પૂર્વ રાષ્ટ્રપતિ આસિફ અલી ઝરદારીના ઘરની બહાર પ્રદર્શન કર્યું. લોકોએ બાળકીની વહેલી તકે તપાસ કરવાની માંગ કરી છે.
શું છે સમગ્ર ઘટના ?
હિન્દુ યુવતીના ધર્મ પરિવર્તનની આ ઘટના પાકિસ્તાનના સિંધ પ્રાંતમાં બની હતી. આ પહેલા પણ પાકિસ્તાનમાં હિન્દુ યુવતીઓના અપહરણ અને ધર્મ પરિવર્તનની ઘટનાઓ સામે આવી ચુકી છે. પાકિસ્તાનના એક અખબારના અહેવાલ, મુજબ આ છોકરીનું નામ મિસિસ કરીના છે. એવું કહેવામાં આવી રહ્યું છે કે, દાદુના કાઝી અહેમદ શહેરના ઉન્નાર મોહલ્લામાંથી એક અઠવાડિયા પહેલા તેનું કથિત રીતે અપહરણ કરવામાં આવ્યું હતું.
16-year-old Hindu girl Kareena abducted, converted to Islam and married to the Muslim man. Hindu community stage protest in front of Zardari house in Nawabshah, seeking help of former president to recover the girl. #EndForcedConversionspic.twitter.com/Pu55Ejqa9V
પોલીસનું કહેવું છે કે, આ હિન્દુ યુવતીને ખલીલ રહેમાન જોનો નામના મુસ્લિમ યુવક સાથે પ્રેમ સંબંધ હતો. તેણી તેની સાથે ભાગી જાય છે. સિંધ પ્રાંતની પોલીસે એવો પણ દાવો કર્યો છે કે બંનેએ કરાચીની કોર્ટમાં લગ્ન પણ કર્યા છે.
એક રિપોર્ટ અનુસાર હિન્દુ સમુદાયનું માનવું છે કે, કરીનાનું અપહરણ કરવામાં આવ્યું છે. આ ઘટનાના વિરોધમાં હિન્દુ સમુદાય રસ્તા પર ઉતરી આવ્યો છે. મંગળવારે નવાબશાહમાં ઝરદારી હાઉસની બહાર પણ લોકોએ પ્રદર્શન કર્યું હતું.