પાકિસ્તાનના કેપ્ટન બાબર આઝમ શનિવારે 28 વર્ષના થયા છે. તેમણે પોતાનો જન્મ દિવસ ઓસ્ટ્રેલિયામાં ભારતીય ટીમના કેપ્ટન રોહિત શર્મા અને ટી-20 વર્લ્ડ કપ માટે ભેગા થયેલા વિશ્વના 15 કેપ્ટનોની સાથે સેલિબ્રેટ કર્યો.
રોહિત શર્માએ બાબર આઝમનો બર્થ ડે સેલિબ્રેટ કર્યો
ટી-20 વર્લ્ડ કપ માટે ભેગા થયેલા વિશ્વના 15 કેપ્ટનો પણ રહ્યાં ઉપસ્થિત
પાકિસ્તાન ક્રિકેટ બોર્ડે તેનો વીડિયો અને ફોટો શેર કર્યો
રોહિતે બાબર આઝમનો બર્થ ડે સેલિબ્રેટ કર્યો
રોહિત આની પહેલા બાબર આઝમ સાથે વાતચીત કરતા પણ દેખાયા. આંતરરાષ્ટ્રીય ક્રિકેટ કાઉન્સિલ અને પાકિસ્તાન ક્રિકેટ બોર્ડે તેનો વીડિયો અને ફોટો શેર કર્યો છે. આ દરમ્યાન કેન વિલિયમસન, એરોન ફિન્ચ, શાકિબ અલ હસન અને જોસ બટલર પણ હાજર રહ્યાં હતા. જેનો વીડિયો સોશિયલ મીડિયામાં વાયરલ થઇ રહ્યો છે. શનિવારે વર્લ્ડ કપમાં ભાગ લેનારી બધી ટીમોના કેપ્ટનોએ પત્રકાર પરિષદમાં ભાગ લીધો. ત્યારબાદ બાબર આઝમ માટે પિચ અને સ્ટમ્પ્સવાળી વિશેષ કેક લાવવામાં આવી. ટી-20 વર્લ્ડ કપ 16 ઓક્ટોબરથી શરૂ થવાનો છે. બધી ટીમો ઓસ્ટ્રેલિયા પહોંચી ગઇ છે. પહેલા ક્વોલિફાઈંગ રાઉન્ડ રમવામાં આવશે. જેમાં આઠ ટીમો ભાગ લેશે.
બાબર આઝમ પાકિસ્તાનના પંજાબ પ્રાંત સાથે ઘરોબો ધરાવે છે
બાબર આઝમ પાકિસ્તાનના પંજાબ પ્રાંત સાથે સંબંધ ધરાવે છે. જેનો જન્મ 15 ઓક્ટોબર 1994ના રોજ થયો હતો. તેઓ વિશ્વના એકલા એવા બેટર છે, જે ક્રિકેટના ત્રણેય ફોર્મેટમાં ICC રેન્કિંગમાં ટૉપ ત્રણમાં સામેલ છે. તો વન-ડેમાં નંબર વન પર છે. જ્યારે ટી-20 અને ટેસ્ટમાં ત્રીજા સ્થાને છે. તેઓ પાકિસ્તાનની ડોમેસ્ટિક ક્રિકેટમાં સેન્ટ્રલ પંજાબથી રમે છે અને પાકિસ્તાન સુપર લીગમાં કરાચી કિંગ્સની ટીમમાં સામેલ છે. તેઓ ટી-20માં પાકિસ્તાનના સફળ કેપ્ટનમાંથી એક છે. તેમની કેપ્ટનશિપમાં પાકિસ્તાને 34 મેચ જીતી છે.