કોરોના વિસ્ફોટ / મહારાષ્ટ્ર રાજભવનના 16 કર્મચારીઓ કોરોના પોઝિટિવ આવતાં રાજ્યપાલ થયા સેલ્ફ ક્વૉરન્ટાઈન

• મહારાષ્ટ્રમાં વકર્યો કોરોના
• રાજભવનમાં 16 કર્મચારીઓ કોરોના પોઝિટિવ
• રાજ્યપાલ ભગતસિંહ કોશ્યારી થયા સેલ્ફ ક્વૉરન્ટાઈન

ઉલ્લેખનીય છે કે રાજભવનમાં કામ કરનારા એક જૂનિયર ઈલેક્ટ્રિશિયન કોરોના પોઝિટિવ આવ્યો હતો. ત્યારબાદ રાજભવનમાં કામ કરનારા દરેક કર્મચારીઓનો કોરોના ટેસ્ટ થયો. તેમાં 55 રિપોર્ટ આવ્યા છે જેમાંથી 16 કર્મચારીઓ પોઝિટિવ આવ્યા છે.રાહતની વાત એ છે કે રાજ્યપાલ કોશ્યારી સંપૂર્ણ રીતે સ્વસ્થ છે. જો કે હાલમાં તેઓ સેલ્ફ ક્વૉરન્ટાઈન થઈ ચૂક્યા છે. 

ઉલ્લેખનીય છે કે મહારાષ્ટ્રમાં કોરોના કેસ એક દિવસમાં ઝડપથી વધી રહ્યા છે. શનિવારે અહીં 8139 નવા કેસ આવ્યા છે. આ સાથે રાજ્યમાં કોરોના સંક્રમિતોની સંખ્યા 2,46,600 થઈ છે. 24 કલાકમાં 223 દર્દીના મોત સાથે કુલ મોતની સંખ્યા 10,116 પહોંચી છે.