રશિયાના તાતરસ્તાન વિસ્તારમાં પેરાશુટ જંપર્સને લઈને જઈ રહેલું એક વિમાનને અક્સ્માત નડતા તે જમીન પર તૂટી પડ્યું હતું તેમાં 16 લોકોના મોત થયાની ખબર છે.
રશિયાના તાતરસ્તાન વિસ્તારમાં વિમાન તૂટી પડ્યું
23 લોકો સવાર હતા, 16 પેરાશુટ જંપર્સના મોત
હવામાં એન્જિન બંધ થતા દુર્ઘટના સર્જાઈ
રશિયાના તાતરસ્તાન વિસ્તારમાં પેરાશુટ જંપર્સને લઈને જઈ રહેલું એક વિમાનને અક્સ્માત નડતા તે જમીન પર તૂટી પડ્યું હતું તેમાં 16 લોકોના મોત થયાની ખબર છે.
હવામાં એન્જીન બંધ થઈ જતાા અકસ્માત નડ્યો
રશિયાના ઈમરજન્સી મંત્રાલય દ્વારા આપવામાં આવેલી માહિતી અનુસાર Let L-410 Turbolet નામનું વિમાન કુલ 23 લોકોને લઈને તેના ગંતવ્ય સ્થાન ભણી ઉપડ્યું હતું. વિમાન જ્યારે ઊંચાઈ પર હતું ત્યારે કોઈ કારણસર તેનું એન્જિન બંધ થઈ ગયું હતું. એન્જિન બંધ થવાન કારણે વિમાન ગોથા ખાવા લાગ્યું હતું અને આખરે તે ઘણી ઊંચાઈએથી જમીન પર તૂટી પડ્યું હતું તેમાં કુલ 23 લોકો સવાર હતા 16 પેરાશુટ જંપર્સના મોત થયા છે જ્યારે સાત લોકોને કાટમાળમાં જીવતા બહાર કાઢવામાં આવ્યાં છે.
વિમાનના બે ભાગ થઈ ગયા હતા તથા તેને ગંભીર નુકશાન પહોંચ્યું
Let L-410 Turbolet વિમાન રશિયાની આર્મી, એવિએશન અને નેવીની સહાય માટે બનાવાયું છે. આ ટર્બોલેટ તૂટી પડવાની આ બીજી ઘટના છે. આ પહેલા જાન્યુઆરીમાં પણ આ વિમાન તૂટી પડ્યું હતું. જુલાઈમાં પણ આવી જ એક ઘટનામાં પ્લેન તૂટી પડ્યું હતું જેમાં 28 લોકોના મોત થયા હતા. રશિયાના મંત્રાલય દ્વારા જારી કરવામાં આવેલી તસવીરોમાં જોઈ શકાતું હતું. વિમાનના બે ભાગ થઈ ગયા હતા તથા તેને ગંભીર નુકશાન પહોંચ્યું હતું.