મહામારી / માયાનગરી મુંબઈમાં કોરોનાની સુનામી, આજે નોંધાયા 15,166 કેસ, ગઈકાલ કરતા 39 ટકા વધારે

• મુંબઈમાં કોરોનાના કેસમાં કૂદકે ને ભૂસકે વધારો
• આજે નોંધાયા કોરોનાના નવા 15,166
• ગઈકાલ કરતા 39 ટકા વધારે

મુંબઈમાં આજે કોરોનાએ પાછળના તમામ દિવસનો રેકોર્ડ તોડ્યો છે. માયાનગરી તરીકે ઓળખાતા મુંબઈમાં આજે કોરોનાના  રેકોર્ડબ્રેક 15,166 નોંધાતા હવે લોકડાઉનના ભણકારા વાગી રહ્યાં છે.

Mumbai reports 15,166 fresh infections of COVID-19 & 3 deaths; Active cases 61,923 pic.twitter.com/slszTia5Jn

— ANI (@ANI) January 5, 2022

મુંબઈમાં આજે ગઈકાલ કરતા 39 ટકા વધારે કેસ

મુંબઈમાં ગઈકાલે કોરોનાના 10,860 કેસ નોંધાયા હતા અને આજે આંકડો સીધો 15,000 પર પહોંચી ગયો છે આ રીતે એક દિવસમાં 39 ટકાનો મોટો ઉછાળો આવ્યો છે. જે રીતે મુંબઈમાં કોરોનાના કેસ આવી રહ્યાં છે તે જોતા લાગે છે કે મુંબઈમાં ત્રીજી લહેર શરુ થઈ ગઈ છે. મુંબઈના મેયર કિશોરી પેડનેકર જણાવી ચૂક્યા છે કે દૈનિક કેસનો આંકડો 20,000ને પાર જશે તો મુંબઈમાં લોકડાઉન લાગુ પાડવામાં આવશે. છેલ્લા  કેટલાક દિવસના કેસનો આંકડો જોતો લાગી રહ્યું છે મુંબઈ હવે લોકડાઉન તરફ જઈ રહ્યું છે.   

દિલ્હીમાં કોરોનાની બમણી રફતાર, એક દિવસમાં કોરોનાના 10,665 કેસ
દિલ્હીમાં કોરોનાની ઝડપ બમણી થઈ છે. છેલ્લા 24 કલાકમાં 10,665 નવા કેસ નોંધાયા છે. આ સમયગાળા દરમિયાન આઠ લોકોના મોત થયા છે. આ સાથે પોઝિટિવિટી રેટ 11.88 ટકા સુધી પહોંચી ગયો છે. બુધવારે જાહેર થયેલા આરોગ્ય વિભાગના અહેવાલના ડેટાએ પણ કેજરીવાલ સરકારને ચિંતામાં મૂકી દીધી છે. રિપોર્ટ અનુસાર છેલ્લા 24 કલાકમાં 89742 ટેસ્ટ કરવામાં આવ્યા હતા, જેમાં 10,665 નવા કોરોના કેસ નોંધાયા હતા, જ્યારે 2239 દર્દીઓ સાજા થયા છે. હવે દિલ્હીમાં 23307 સક્રિય કેસ છે, 11551 દર્દીઓ ઘરના એકલતામાં છે. દિલ્હીની હોસ્પિટલોમાં કુલ ૭૮૨ દર્દીઓ દાખલ છે. જેમાં કોરોનાના ૬૯ શંકાસ્પદ દર્દીઓ છે. દિલ્હીથી 610 દર્દીઓ છે, જેમાંથી 103 દર્દીબહાર છે. હળવા લક્ષણો વાળા ૫૫૧ દર્દીઓ છે અને ઓક્સિજન સપોર્ટ નથી.