તૈયારી / દુશ્મનને ધૂળ ચટાવવા અને સૈનિકોના જીવની રક્ષા માટે ભારત કરી રહ્યું છે આ ઉપકરણની ખરીદી

• 50 ટકા સ્વદેશી ખરીદી સાથે બનાવવામાં આવશે
• તમામ માઈન પ્લાઉ 2027 સુધીમાં મળી જશે
• ટેંકની ઉપર જ રહીને દુશ્મનના માઈન્સને ખોદીને કાઢી શકાય છે

મંત્રાલયના જણાવ્યાનુંસાર કરાર હેઠળ 50 ટકા સ્વદેશી સામગ્રીની સાથે ખરીદી કરવામાં આવશે અને બનાવવામાં આવશે,  તમામ માઈન પ્લાઉ 2027 સુધીમાં મળી જશે. તેમજ તેના આવવાની શરુઆત 1-2 વર્ષમાં થઈ જશે. ઘણી વાર સીમાં પર લડાઈ દરમિયાન દુશ્મન દ્વારા માઈન્સ પાથરેલા હોય છે. ત્યારે કોઈ પણ જવાન જો જાણ વગર તેના પર પગ મુકે છે તો તેમાં વિસ્ફોટ થાય છે.

માઈન્સ પ્લાઉ એવુ ઉપકરણ છે જેનાથી જમીન ખોદી શકાય છે અને સાવધાનીથી માઈન્સને કાઢી શકાય છે. ત્યારે જો માઈન પ્લાઉને ટેંક પર લગાવવામાં આવ્યુ તો યુદ્ધ સમયે ટેંક જમીનની અંદર છુપાયેલા માઈન્સને સરળતાથી બહાર કાઢી આગળ દુશ્મન તરફ વધી શકાય છે. તેમજ સેનાને થનારા જાનના નુકશાનથી બચી શકાય છે.