આજના સમયમાં રેડિયો નું અસ્તિત્વ નથી રહ્યું ત્યારે આ ચલાલાના નિવૃત શિક્ષક પોતાના શોખ માટે 150થી વધુ રેડિયો 90 અથવા 100 વર્ષ જુના સાચવીને તેમની માવજત કરી રહ્યા છે જે તમામ રેડિયો અને ગ્રામો ફોન ચાલુ કન્ડિશનમાં છે.
હાલના ડિજિટલ યુગમાં તમને ભાગ્યે જ કોઇના પાસે રેડિયો જોવા મળશે. એન્ડરોઇડ ફોનના જમાનામાં રેડિયો લુપ્ત થઇ ગયા છે. જો કે અમરેલીમાં એક એવા રેડિયોના શોખીન છે જેમની પાસે 10 નહીં 20 નહીં પરંતુ 150થી વધુ રેડિયોનો સંગ્રહ છે. ચલાલા ગામના નિવૃત્ત શિક્ષક સુલેમાનભાઇ દલ પાસે ગ્રામોફોન, એલપી રેકોર્ડર સહિતના લગભગ 150થી વધુ 100 વર્ષ જૂના રેડિયો અને તેના સાધનોનો સંગ્રહ છે. સુલેમાનભાઇ પાસે એવા એન્ટિક રેડિયો છે જેનું આપણે કદાચ નામ પણ સાંભળ્યું નહીં હોય. અને સૌથી મોટી વાત એ છે કે, આ જે રેડિયો છે તે તમામ ચાલું કન્ડિશનમાં છે. ત્યારે સુલેમાનભાઇના મિત્રો કહે છે કે, તેમને પહેલાથી જ રેડિયોનો શોખ હતો. તેઓ ખુદ રેડિયો કારિગર પણ છે એટલે તેઓ જાતે જ તેને સાચવે છે.
80થી 90 વર્ષ જૂના રેડિયો
ત્યારે સુલેમાન ભાઇ મૂળ પ્રાથમિક શાળામાં એક ચિત્ર શિક્ષક હતા પરંતુ તેઓએ રેડિયો રિપેરિંગ પણ જાણ છે. જેથી તેઓ ક્યાંય પણ બહાર જાય અને જૂના રેડિયો દેખાય તો તેઓ તેને લઇ લે છે અને તેને સાચવી રાખે છે. સુલેમાન ભાઇ પાસે ચાવીથી ચાલતું ગ્રામોફોન પણ છે અને 80થી 90 વર્ષ જૂના રેડિયો પણ છે. તેઓએ ઘરમાં જ એક રેડિયોભવન બનાવી દીધું છે જેથી લોકો પણ જૂના રેડિયોને જોવા આવે છે.
આ રેડિયોને જોવા સાંભળવા દૂર દૂરથી લોકો આવે છે
અમુક રેડિયો વાલ વાળા છે જે ગરમ થાય પછી જ શરૂ થાય તેવા અનેક રેડિયો તેમની પાસે ઉપલબ્ધ છે. પોતે સંયુક્ત કુટુંબમાં ઉછરી સરકારી શાળામાં શિક્ષક તરીકે ફરજ બજાવેલી અને હાલ નિવૃત છે. રેડિયોની જાળવણીમાં તેમનો સમય કાઢી રહ્યા છે. જેમાં તેમને તેમના મિત્રોનો ખાસ સાથ સહકાર મળી રહ્યો છે. ત્યારે આ રેડિયોને જોવા સાંભળવા દૂર દૂરથી લોકો આવે છે. પોતાનો આખો રૂમ રેડિયોથી ભરેલો છે જેથી મહેમાનોને બેસાડવા પણ તકલીફ પડી રહી છે. પરંતુ પોતાનો શોખ રેડિયો પાછળ વિતાવે છે જે માટે પોતેજ મેન્ટેન કરે છે. ઘરમાં જ નાનો એવો રૂમ રીપેરીંગ માટે બનાવ્યો છે અને તેમાં પોતાના જુના સંસાધનો જાતે રીપેર કરે છે. પોતે ખૂબ જુના કારીગર છે ઇલેક્ટ્રોનિક આઈટમના જેથી તેમને આ બધું કામ ખુબ સહેલું લાગે છે નું તેઓ જણાવે છે.
રેડિયો સહિત અનેક જુનવાણી સંગ્રહ
અનેક ગ્રામો ફોન સહિત તાવડી ફોનો પણ તેમની પાસે ઉપલબ્ધ છે. ચાવીથી ચાલતા ગ્રામો ફોન, એલપી, વાજુ સહિતના અનેક જુનવાણી સંગ્રહ તેમની પાસે છે. તેમના નાનકડા રેડિયો ભવનમાં 150થી વધુ જુનવાણી રેડિયો ઉપલબ્ધ છે. તે ચાલુ કન્ડિશનમાં છે જેથી તેમના મિત્રો બધા રેડિયો સાંભળવા આવે છે. ત્યારે આ કલેક્શન કદાચ ગિનિસ બુકમાં સામેલ થાય તો પણ નવાઈ નહિ. કારણ કે દુનિયા ભરના અને અનેક વિદેશી કંપનીઓના 90 વર્ષ જુના રેડિયો પણ ચાલુ અવસ્થામાં અહીં રાખવામાં આવ્યા છે.
જુનાગઢના નવાબની પણ રેકોર્ડ એલપી ઉપલબ્ધ
ત્યારે એક જર્મન રેડિયો તો 32 બેન્ડનો છે અને તમામ બેન્ડ ચાલું અવસ્થામાં છે. ત્યારે આ નિવૃત શિક્ષક પાસે 1000થી વધુ એચએમવી કંપનીની રેકોર્ડ ડિસ્ક છે. જેમાં જુનાગઢના નવાબની પણ રેકોર્ડ એલપી ઉપલબ્ધ છે ત્યારે આ નિવૃત્ત શિક્ષકના મિત્રો પણ જબરો શોખ રેડિયોનો ધરાવે છે.