દિલ્હીના એક સદી જૂના વડનું ઝાડ હજૂ પણ કોઈની રાહ જોઈ રહ્યું છે. જો કે, આ વયોવૃદ્ધ ઝાડને પોતાના રક્ષણ અને પોષણ માટે એક માલિકની જરૂર છે, પણ મામલો ફસાઈ ગયો છે.
દિલ્હીમાં આવેલું છે આ વટવૃક્ષ
એક વર્ષથી રાહ જોઈ રહ્યું છે કોઈ આવશે રખેવાળ
હાઈકોર્ટ સુધીમાં પણ પહોંચી ગયો મામલો
દિલ્હીના એક સદી જૂના વડનું ઝાડ હજૂ પણ કોઈની રાહ જોઈ રહ્યું છે. હકીકતમાં ફોરેસ્ટ વિભાગે એક વર્ષ પહેલા તેને દત્તક લેવા માટે અરજી બહાર પાડી હતી, જો કે, આ મામલો હજૂ પણ ફસાયેલો છે.
જીવતું રાખવાની કોશિશો ચાલું
ફોરેસ્ટ વિભાગે દિલ્હી ટ્રી અથોરિટીની આગેવાનીમાં બોલાવેલી બેઠકમાં તેને દત્તક લેવાની જવાબદારી નક્કી કરી અને નિયમો બનાવાનો નિર્ણય લીધો હતો. હકીકતમાં વિભાગને 40 અરજીઓ મળી હતી. પણ આ દિશામાં ખાસ કંઈ કામ થયું નથી. વન વિભાગે ગત વર્ષે જાન્યુઆરીમાં દિલ્હી ટ્રી સંરક્ષણ અધિનિયમની કલમ 13 અંતર્ગત એક નોટિસ જાહેર કરી સ્થાનિક લોકો, સામાજિક સંગઠનો અને સ્થાનિક એકમોને આ વડના વૃક્ષને બચાવવા માટે મદદની અપીલ કરી હતી.
હોઈકોર્ટમાં છે મામલો
ઝાડની સુરક્ષા માટે દિલ્હી હાઈકોર્ટમાં એક અરજી દાખલ કરવામાં આવી હતી. અરજીકર્તાએ કોર્ટમાં દાવો કર્યો હતો કે, ઝાડને બહું નુકસાન થઈ ચુક્યું છે. વન વિભાહે કોર્ટમાં કહ્યું હતું કે, તેમના ટ્રી ઓફિસરને આશા છે કે, આ ઝાડને બચાવી શકાય છે. હાઈકોર્ટે આ ઝડને લગભગ 300 વર્ષ જૂનુ હોવાનું અનુમાન લગાવ્યું હતું. જ્યારે વન વિભાગે દાવો કર્યો હતો કે, આ ઝાડ લગભગ 150 વર્ષ જૂનુ છે. આ મામલાને લઈને એક સિનિયર ઓફિસરે કહ્યું કે, અત્યાર સુધીમાં આ ઝાડની જવાબદારી લેવા માટે નિયમો બનાવામાં આવ્યા નથી. એટલા માટે અમે દિલ્હીની ટ્રી અથોરિટીની બેઠકમાં તેના માટે નિયમો બનાવીશું. જેથી દત્તક લેવાનારા લોકોની જવાબદારી નક્કી કરી સકાય અને જવાબદારીમાંથી છટકી શકે નહીં.