મહામારી / ગણતંત્ર દિવસ અને સેના દિવસની પરેડમાં સામેલ થનારા 150 જવાન કોરોના પોઝિટિવ

• ગણતંત્ર દિવસ અને સેના દિવસ પરેડમાં સામેલ થનારા જવાનોને થયો કોરોના
• 2000 જવાનમાંથી 150 જવાન કોરોના સંક્રમિત
• ટેસ્ટ નેગેટિવ આવ્યો છે તેમને સુરક્ષિત વર્ગમાં રાખવામાં આવ્યા

સૂત્રોએ કહ્યું કે, નવેમ્બરના અંતથી જ 2000થી વધુ સેન્યકર્મી પરિવહનના અલગ અલગ સાધનોના ઉપોયગ કરતા ગણતંત્ર દિવસ અને સેના દિવસ પરેડ માટે દિલ્હી પહોંચ્યા છે અને તે તમામને સુરક્ષિત વર્ગમાં રાખવા માટે કોરોનાની તપાસ કરાવવી પડી.

તેમણે કહ્યું કે, જે લોકોનો ટેસ્ટ નેગેટિવ આવ્યો છે તેમને સુરક્ષિત વર્ગમાં રાખવામાં આવી રહ્યા છે. જે વર્ગ તે તમામ કર્મીઓને સમાવવા માટે તૈયાર કરવામાં છે જે પરેડ ટીમોનો ભાગ હશે. સૂત્રોએ કહ્યું કે, સંક્રમિત મળી આવેલા 150 જવાનોમાં સંક્રમણનું કોઇ લક્ષણ નથી અને સાજા થયા બાદ સુરક્ષિત વર્ગમાં સામેલ થઇ શકશે.

એક અધિકારીએ જણાવ્યું કે, અમે ગણતંત્ર દિવસ અને સેના દિવસ પરેડના કર્મીઓ માટે એક ખુબજ કડક કોરોના પ્રોટોકૉલનું પાનલ કરી રહ્યા છીએ. મહામારીને જોતા જવાનોની સુરક્ષા માટે મોટી રણનીતિના રૂપમાં સુરક્ષિત વર્ગ સ્થાપિત કરવામાં આવ્યો છે.