જાહેરાત / કેન્સર અને ડાયાબિટીસના દર્દીઓની મોટી ચિંતા થઈ દૂર, મોદી સરકારે એક ઝાટકે જુઓ શું લીધો નિર્ણય

કોઈ પણ મહામારી સામે લડવા માટે દેશ સમક્ષ બનશે 

કેન્દ્રીય મંત્રીએ કહ્યું દેશને કોઈ પણ મહામારી સામે લડવા સક્ષમ બનાવીશું. પીએમ આયુષમાન ભારત સ્વાસ્થ્ય અવસરંચના મિશન પર 5 વર્ષમાં 64,000 કરોડ ખર્ચ કરવામાં આવશે. આનો લક્ષ્ય છે કે બ્લોક, જિલ્લા, ક્ષેત્રીય અને રાષ્ટ્રીય સ્તર પર સારી લેબોરેટરી બને. આ યોજનામાં આગળના 5 વર્ષમાં એક જિલ્લામાં સરેરાશ 90-100 કરોડ ખર્ચ કરવામાં આવશે. જિલ્લા સ્તર પર 134 પ્રકારના ટેસ્ટ થશે. દેશમાં બે કન્ટેનર ટ્રેન તૈયાર રાખવામાં આવશે. કન્ટેનરમાં હોસ્પિટલની બધી જ સુવિધા તૈયાર થશે. આનું એક કેન્દ્ર ચેન્નાઈ અને દિલ્હીમાં હશે. 

દેશમાં 175 નવી મેડિકલ કોલેજોને મળશે મંજૂરી 

કેન્દ્રીય સ્વાસ્થ્ય મંત્રીએ કહ્યું કે પ્રધાનમંત્રી નરેન્દ્ર મોદીએ 157 નવા મેડિકલ કોલેજને મંજૂરી આપી છે. હવે મેડિકલ વિધ્યાર્થીઓની સંખ્યા બે ગણી વધી જશે. 
લોકોને સસ્તી સારવાર મળે તે દિશામાં સરકાર સતત પ્રયત્નશીલ છે. 

કોરોનાન નવા વેરિયન્ટ પર થસે રિસર્ચ 

મનસુખ માંડવીયાએ કહ્યું કે કોરોના વાયરસના નવા વેરીએન્ટ AY.4.2 ને લઈને ઇંડિયન કાઉન્સિલ ઓફ મેડિકલ રિસર્ચ અને નેશનલ સેન્ટર ફોર ડિસિજ કંટ્રોલ આના પર વ્યાપક રિસર્ચ કરી રહ્યા છે. 

કોવેક્સિનને મળશે જલ્દી પરમીશન 

કાનપુરમાં મળી આવેલા ઝિકા વાયરસ અંગે કેન્દ્રીય સ્વાસ્થ્ય મંત્રીએ કહ્યું કે તેની તપાસ કરવામાં આવી રહી છે. મનસુખ માંડવિયાએ એ પણ જણાવ્યું કે ભારતના કોવેક્સિનને ટૂંક સમયમાં વિશ્વ આરોગ્ય સંસ્થા (WHO) પાસેથી મંજૂરી મળી જશે.

એક ખબર એ પણ છે કે કોવિડ-19 ટીકાકરણનું કુલ કવરેજ 102.94 કરોડની પાર પહોંચ્યું છે

આજે સવારે 7 વાગ્યા સુધીમાં દેશનું COVID-19 રસીકરણ કવરેજ 102.94 કરોડ (1,02,94,01,119) ને વટાવી ગયું છે, છેલ્લા 24 કલાક દરમિયાન 64,75,733 રસીકરણ કરવામાં આવ્યું છે. આ 1,02,28,502 સત્રો દ્વારા પરિપૂર્ણ થયું હતું. છેલ્લા 24 કલાકમાં 15,951 દર્દીઓના સાજા થવા સાથે, સાજા થનારા દર્દીઓની કુલ સંખ્યામાં વધારો થયો છે, જે હાલમાં 3,35,83,318 છે. પરિણામસ્વરૂપ ભારતની રિકવરી દર અત્યારે 98.19 ટકા છે. જે માર્ચ 2020 બાદ તેના ઉચ્ચતમ સ્તર પર છે. 

સતત 121 દિવસથી રોજના 50 હજારથી ઓછા કેસ આવી રહ્યા છે. આ કેન્દ્ર અને રાજ્યો-કેન્દ્રશાસિત પ્રદેશોના સંકલિત અને સતત પ્રયાસોનું પરિણામ છે. છેલ્લા 24 કલાકમાં કુલ 12,428 દૈનિક નવા કેસ નોંધાયા છે, જે 238 દિવસમાં સૌથી નીચું સ્તર છે. હાલમાં સક્રિય કેસલોડ બે લાખના આંકની નીચે પહોંચી ગયો છે. તે હાલમાં 1,63,816 પર છે, જે 241 દિવસમાં તેની સૌથી નીચી સપાટી છે. દેશમાં હાલના કુલ પોઝિટિવ કેસોમાં સક્રિય કેસોનો હિસ્સો 0.48 ટકા છે, જે માર્ચ 2020 પછીનું સૌથી નીચું સ્તર છે.

દેશમાં પરીક્ષણ ક્ષમતામાં સતત વધારો કરવામાં આવી રહ્યો છે, જેના સંબંધમાં દેશમાં છેલ્લા 24 કલાક દરમિયાન કુલ 11,31,826 પરીક્ષણો કરવામાં આવ્યા હતા. મૂળભૂત રીતે ભારતમાં અત્યાર સુધીમાં 60.19 કરોડ (60,19,01,543) થી વધુ પરીક્ષણો કરવામાં આવ્યા છે.

એક તરફ દેશભરમાં પરીક્ષણ ક્ષમતા વધારવામાં આવી છે, તો બીજી બાજુ પોજીટીવ દરમાં આ સમયે 1.24 ટકા છે. જે છેલ્લાના 32 દિવસમાં બે ટકાથી નીચે છે. દૈનિક પોજીટીવ દર 1.10 ટકા છે. તે પણ છેલ્લા 22 દિવસથી બે ટકાથી નીચે અને સતત 57 દિવસથી ત્રણ ટકાથી ઓછો રહ્યો છે.