સૈનિક સ્કૂલ, પુરૂલિયાના 15 વર્ષના કૈડેટ અમિત રાજની બહાદુરીને આજે દરેક યાદ કરી રહ્યા છે. આ નાની ઉંમરમાં અમિતે પોતાનો જીવ ગુમાવીને ત્રણ બાળકોના જીવ બચાવ્યા.
15 વર્ષના કૈડેટ અમિત રાજની બહાદુરીને સલામ
અમિતે પોતાનો જીવ ગુમાવીને ત્રણ બાળકોના જીવ બચાવ્યા
અમિતે હોસ્પિટલમાં અંતિમ શ્વાસ લીધા
આગની જ્વાળાઓમાં ઘેરાયેલા બાળકોને જોઇને જ્યારે કોઈ મદદની માટે અવાજ લગાવી રહ્યું હતું, ત્યારે અમિતે આગળ વધીને પોતાના જીવની ચિંતા કર્યા વિના, તે બાળકોના જીવ બચાવ્યા. પરંતુ દુર્ભાગ્યથી તેઓ ખુદને ન બચાવી શક્યા. અમિતની આ બહાદુરીને ખુદ ભારતીય સેનાએ સેલ્યૂટ કરી છે.
કૈડેટ અમિત રાજે બચાવ્યા ત્રણ બાળકોના જીવ
જણાવી દઇએ કે, બિહારના નાલંદાના રહેવાસી અમિત રાજ સૈનિક સ્કૂલ, પુરૂલિયામાં 10માં ધોરણમાં અભ્યાસ કરી રહ્યા હતા. 7 ડિસેમ્બરે જ્યારે અમિત પોતાના ઘરે હતા, તો બાજુમાં ભીષણ આગ લાગી ગઇ. જાણ થઇ કે, બાજુના ઘરની અંદર આગની ઝપેટમાં 3 બાળકો ફંસાઇ ગયા છે. આ સાંભળીને કૈડેટ અમિત રાજથી રહેવાયું નહીં અને તેઓ તાત્કાલિક બાળકોને બચાવવાના ઇરાદાથી ઘરમાં ઘુસી ગયા.
હોસ્પિટલમાં અંતિમ શ્વાસ લીધા
જોકે, અમિતે ત્રણ બાળકોને બચાવી લીધા પરંતુ ખુદ આગના કારણે ખુબ દાઝી ગયા. અંદાજિત 85 ટકા દાઝી ગયા બાદ અમિતને સફદરજંગ હોસ્પિટલમાં દાખલ કરવામાં આવ્યા. પરંતુ અમિત ત્યાં જીંદગીનો જંગ હારી ગયા અને 13 ડિસેમ્બરે અંતિમ શ્વાસ લીધા.
15 year old Cadet Amit Raj of #SainikSchool#Purulia sacrificed his own life while saving the lives of three children. He will continue to inspire future generations with his courage and bravery. #IndianArmy salutes the supreme sacrifice of the #Braveheartpic.twitter.com/IorqxvlOJE
ભલે અમિત રાજે દુનિયાને અલવિદા કહી દીધું હોય, પરંતુ તેમની બહાદુરીને દેશ હંમેશા યાદ રાખશે. ભારતીય સેનાએ ટ્વિટ કરીને અમિતની બહાદુરીને સેલ્યૂટ કરી. સેનાએ લખ્યું કે, 15 વર્ષીય કૈડેટ અમિત રાજે 3 બાળકોની જીંદગી બચાવવા માટે પોતાના જીવનનું બલિદાન આપી દીધું. તેનું બલિદાન આવનારી પેઢીઓને પ્રેરિત કરતું રહેશે, સેલ્યૂટ.
ડિસેમ્બર મહિનાના અંતિમ દિવસોમાં બની હતી ઘટના
આ ન્યૂઝ તો જૂના છે પરંતુ અમને મહત્વના લાગ્યા તો મોડા તો માડા લેવાનું વિચાર્યું. ત્યારે VTV NEWS પણ અમિત રાજની બહાદુરીને સલામ કરે છે.