ફરિયાદ / 16 વર્ષના સગીર સાથે સંબંધ બાંધતા 15 વર્ષની સગીરા બની ગર્ભવતી, અમદાવાદનો ચોંકાવનારો કિસ્સો

• માતાપિતા માટે લાલબત્તી સમાન કિસ્સો
• 16 વર્ષના સગીરે 15 વર્ષની સગીરા સાથે આચર્યુ દુશકૃત્ય
• અંકલેશ્વરમાં બાળકીને રમવા બોલાવી દુષ્કર્મ 

અમદાવાદમાં માતાપિતા માટે લાલબત્તી સમાન કિસ્સો સામે આવ્યો છે. જેમાં 16 વર્ષના સગીર સાથે 15 વર્ષની સગીરાને પ્રેમ સંબંધ હતો. બંને કાપડની ફેક્ટરીમાં સાથે કામ કરતા હતા અને આ દરમીયાન જ બંને એક બીજાની નજીક આવ્યા હતા.  ત્યારબાદ સગીરે 15 વર્ષની સગીરા સાથે કૃત્ય આચર્યું હતું. જેનો ભોગ બનેલી સગીરા ગર્ભવતી થતા મામલો પોલીસ સ્ટેશન પહોચ્યો હતો. સગીરા ગર્ભવતી થતા સગીરાની માતાએ  પોલીસ  મથકમાં ફરિયાદ નોધાવી હતી. આરોપી સગીર સામે માધવપુર પોલીસ સ્ટેશનમાં ફરિયાદ દાખલ કરવામાં  આવતા પોલીસે કાર્યવાહી હાથ ધરી હતી.
 
અંકલેશ્વર પંથકમાં  ૫૫ વર્ષીય ઢગાએ બાળકીને પીંખી નાખી  
વધુમાં અંકલેશ્વર પંથકમાં પણ હૈયુ હચમચાવી નાખે તેવી ઘટના સામે આવી છે. જેમાં પડોશમાં રહેતા ૫૫ વર્ષીય આધેડે રમાડવાના બહાને બોલાવી બાળકી સાથે દુષ્કર્મ આચર્યું હતું. આરોપી મોહમદ રિયાસ શેખે તેની બાજુમાં રહેતી ૧૨ વર્ષીય બાળકીને પોતાના ઘરે રમવા બોલાવી હતી. આ દરમિયાન બાળકી રમવા જતા આધેડની દાનત બગડી હતી અને તેણે બાળકી સાથે શારીરિક અડપલા શરુ કર્યા હતા અને બાળકીને પોતાના હવસની શિકાર બનાવી તેને પીંખી નાખી હતી.

આ ઘટના અંગે બાળકીએ તેણીના માતા-પિતાને જાણ કરતા તેઓ ચોકી ઉઠ્યા હતા અને બનાવ અંગે તાલુકા પોલીસ મથકે દુષ્કર્મ આચરનાર આધેડ વિરુદ્ધ પોલીસ ફરિયાદ નોંધાવી હતી. જેને લઇને પોલીસે પોક્સો સહિતની કલમ હેઠળ ગુનો નોંધી આધેડની ધડપકડ કરી વધુ તપાસ હાથ ધરી છે.