કરૂણતા / 15 લાખ બાળકોને આનાથ કરી ગયો કોરોના, ભારતમાં વધી આટલી સંખ્યા : રિપોર્ટમાં બહાર આવ્યા ભયાનક આંકડા

કોરોના મહામારીનાં કારણે સમગ્ર વિશ્વમાં મોટાપાયે પાયમાલી સર્જાઇ છે. કોરોનાએ અત્યાર સુધીમાં લાખો લોકોને મોતને ઘાટ ઉતારી દીધા છે અને આ સમયગાળા દરમિયાન લાખો બાળકો પણ અનાથ બન્યા છે. કોરોનાને કારણે અત્યાર સુધીમાં વિશ્વભરના 15 લાખ બાળકોએ તેમના માતાપિતા અથવા તેમાંથી એકને ગુમાવ્યો છે. ધ લાન્સેટમાં પ્રકાશિત નવા રિપોર્ટ આ વાત સામે આવી છે.

ધ લાન્સેટનો રિપોર્ટ

ધ લાન્સેટ રિપોર્ટ અનુસાર એક લાખ 90 હજાર બાળકો ભારતના છે જેમણે કોરોના સમયગાળા દરમિયાન તેમના માતાપિતા, પાલક દાદા-દાદી અથવા દાદા-દાદી ગુમાવ્યા છે. તેમાં કહેવામાં આવ્યું છે કે કોરોના રોગચાળાની શરૂઆત પછીના 14 મહિનામાં, દસ લાખથી વધુ બાળકોએ તેમના માતાપિતા બંનેમાંથી એક અથવા બંનેનો જીવ ગુમાવ્યો છે, જ્યારે બાકીના 50 હજાર લોકોએ આ રોગચાળાને લીધે તેમના જીવંત દાદા-દાદી ગુમાવ્યા છે. 

ભારતમાં કેટલો વધારો?

નિષ્ણાંતોનું માનવું છે કે ભારતમાં 2020 ના માર્ચ મહિનાથી એપ્રિલ 2021 સુધીમાં અનાથાશ્રમમાં બાળકોની સંખ્યામાં 8.5 ગણો વધારો થયો હતો. આ સમયગાળામાં અહીં અનાથ બાળકોની સંખ્યા 5091 થી વધીને 43,139 થઈન ગઈ હતી. આ ઉપરાંત જેમણે પોતાના માતા પિતા અથવા પાલક પિતા ગુમાવી દીધા છે તે બાળકોના સ્વાસ્થ્ય અને સુરક્ષા સામે પણ સવાલ ઊભા થયા છે. તેમણે બીમારી, શારીરિક શોષણ, યૌન હિંસા જેવા જોખમોનો પણ સામનો કરવો પડી શકે છે. 

ડોક્ટરનું મંતવ્ય 

અમેરિકા સ્થિત સેન્ટર ફોર ડીસીઝ કંટ્રોલ એન્ડ પ્રીવેન્શનની કોવિડ-19 રિસ્પોન્સ ટીમના મુખ્ય લેખક ડો. સુઝેન હિલિસનું માનવું છે કે 30 એપ્રિલ 2021 સુધીમાં કોરોનાનાં કારણે 30 લાખ લોકોના મોત થવાના કારણે 15 લાખ જેટલા બાળકો અનાથ થઈ ગયા છે.