બિઝનેસ / 15 કંપનીઓ 4 હજાર લોકોને આપશે સીધી રોજગારી, સરકારે PLI યોજના હેઠળ લીધો નિર્ણય, જાણો ડિટેલ્સ

• કેન્દ્ર સરકારે PLI યોજના હેઠળ 15 કંપનીઓની પસંદગી કરી
• 6 એસી અને 9 એલઈડી બનાવતી કંપનીઓ બનાવશે ઉપકરણો
• 4 હજાર લોકોને સીધી રોજગારી મળી રહેશે 
• 15 કંપનીઓ કરશે 1,368 કરોડનું રોકાણ 

સરકારે આ વખતે પ્રોડક્શન લિન્ક્ડ ઈન્સેટીવ  (PLI) યોજના હેઠળ 15 કંપનીઓની પસંદગી કરી છે જેમાં 6 એસી અને 9 એલઈડી બનાવતી કંપનીઓ સામેલ છે. આ તમામ કંપનીઓ 1368 કરોડ રુપિયાનું રોકાણ કરશે અને તેને કારણે 4000 લોકોને સીધી રોજગારી મળી રહેશે. 

15 firms selected under PLI scheme for ACs, LED lights with committed investments of Rs 1,368 cr in second round: Govt

— Press Trust of India (@PTI_News) June 28, 2022

4000 લોકોને સીધી રીતે રોજગારી 
ઉદ્યોગ અને આંતરિક વેપારના પ્રમોશન વિભાગના અધિક સચિવ અનિલ અગ્રવાલે આજે આ માહિતી આપી હતી. અનિલ અગ્રવાલે જણાવ્યું હતું કે, બીજા તબક્કામાં 15 કંપનીઓની પસંદગી કરવામાં આવી છે. આ કંપનીઓ 1,368 કરોડ રૂપિયાનું રોકાણ કરશે. આગામી પાંચ વર્ષમાં આ કંપનીઓ મળીને કુલ 25,583 કરોડ રૂપિયાનું ઉત્પાદન કરશે. આ કંપનીઓ પોતાની પીએલઆઈ યોજના હેઠળ ઉત્પાદન વધારવાની પ્રક્રિયામાં લગભગ 4000 લોકોને સીધી રીતે રોજગારી આપશે. સચિવના જણાવ્યા અનુસાર આ યોજના હેઠળ આજે જે 15 કંપનીઓને મંજૂરી મળી છે તેમાંથી એસીના નિર્માણ સાથે સંકળાયેલી 6 કંપનીઓ 968 કરોડ રૂપિયાનું રોકાણ કરશે, જ્યારે 15 કંપનીઓ 460 કરોડ રૂપિયાના રોકાણ સાથે લેડ પાર્ટ્સનું ઉત્પાદન કરશે. કુલ મળીને તેઓ 5,264 કરોડ રૂપિયાનું રોકાણ કરશે. 

Koo App

We delivered LED bulbs and clean cooking gas door-to-door in India and showed that millions of tons of carbon emissions can be saved while ensuring energy for the poor - PM Narendra Modi’s Remarks at G7 Summit on Climate, Energy & Health

View attached media content

- PIB India (@PIB_India) 28 June 2022

રોજગારીની તકો વધશે, ચીજવસ્તુઓ સસ્તી થશે
15 કંપનીઓ એસી અને એલઈડી લાઈટ બનાવશે જેને કારણે રોજગારીની તકો વધશે અને ચીજવસ્તુઓ પણ સસ્તી થશે. આ યોજના ભારતને એસી અને એલઇડી ઉપકરણોના ઉત્પાદન ક્ષેત્રમાં આત્મનિર્ભર બનાવવામાં મદદ કરશે. આ યોજના વૈશ્વિક રોકાણને આકર્ષિત કરશે, મોટા પાયે રોજગારીની તકોનું સર્જન કરશે અને નિકાસમાં વધારો કરશે તેવી અપેક્ષા છે. સાથે જ ભારતમાં એસી અને એલઇડી ડિવાઇસનું ઉત્પાદન થશે અને તેની કિંમત પણ ઓછી હશે.

બીજા તબક્કા હેઠળ 17 કંપનીઓએ અરજી કરી હતી
બીજા તબક્કા હેઠળ 17 કંપનીઓએ અરજી કરી હતી. જેમાં મિત્સુબિશી, એલજી, અદાણી કોપર વગેરેનો સમાવેશ થાય છે. જે કંપનીઓને મંજૂરી મળશે તેમાં અદાણી કોપર 408 કરોડ રૂપિયા (એસી), જિંદાલ પોલી ફિલ્મ્સ 360 કરોડ રૂપિયા (એલઇડી), એલજી ઇલેક્ટ્રોનિક્સ 300 કરોડ રૂપિયા (એસી), એસ ટેક 50 કરોડ રૂપિયા (એસી), મિત્સુબિશી ઇલેક્ટ્રોનિક્સ 50 કરોડ રૂપિયા (એસી), સ્વામીનાથન એન્ટરપ્રાઇઝ 50 કરોડ રૂપિયા (એસી), વિપ્રો એન્ટરપ્રાઇઝ 12 કરોડ રૂપિયા (એલઇડી), લુમેન્સ 10 કરોડ રૂપિયા (એલઇડી) અને ક્રોમ્પટન ગ્રીવ્સ 10 કરોડ રૂપિયા (એલઇડી) નું રોકાણ કરશે. 

શું કરશે 15 કંપનીઓ

સરકાર દ્વારા પસંદ કરવામાં આવેલી 15 કંપનીઓ એસી અને એલઈડી તથા તેના સ્પેરપાર્ટ્સ બનાવશે જેને કારણે હજારો લોકોને રોજગારી મળશે અને ચીજવસ્તુઓ પણ સસ્તી થશે.