RBIની ગાઈડલાઈન્સ અનુસાર રવિવાર ઉપરાંત મહિનાના બીજા અને ચોથા શનિવારે બેન્કો બંધ હોય છે.
બેન્કના કામો અટકી પડ્યા હોય તો પતાવી લેજો
7 દિવસ રવિવાર અને શનિવારની રજાઓ
ઓગસ્ટમાં કુલ 15 દિવસ બંધ રહેશે બેન્કો
જો તમારુ બેન્કનું જરૂરી કામ અટકેલું હોય તો તેને બને તેટલુ જલ્દી પુરૂ કરી લો. કારણ કે આવતા મહિને એટલે કે ઓગસ્ટમાં અધો મહિનો બેન્કો બંધ રહેવાની છે. જોકે દેશભરમાં દરેક બેન્ક 15 દિવસ બંધ નહીં રહે કારણ કે RBIની તરફથી જે રજાઓની લિસ્ટ જાહેર કરવામાં આવી છે તેમાં અમુક ક્ષેત્રીય રજાઓ જ છે. એટલે કે તે દિવસે ફક્ત અમુક રાજ્યોમાં જ બેન્ક બંધ રહેશે. જ્યારે બાકીની જગ્યાઓ પર ખુલ્લી રહેશે.
7 દિવસ રવિવાર અને શનિવારની રજાઓ
1 ઓગસ્ટ 2021એ રવિવાર છે. એટલે કે ઓગસ્ટ મહિનાની શરૂઆત જ બેન્કોની રજાઓ સાથે થશે. આ દિવસે આખા દેશમાં બેન્કો બંધ રહેશે. ત્યાર બાદ રવિવારની રજાઓ 8 ઓગસ્ટ, 15 ઓગસ્ટ, 22 ઓગસ્ટ અને 29 ઓગસ્ટે રહેશે. હવે બીજા અને ચોથા શનિવારની વાત કરવામાં આવે તો 14 ઓગસ્ટ અને 28 ઓગસ્ટે બીજો અને ચોથો શનિવાર છે. એટલે કે રવિવારની 5 રજાઓ અને શનિવારની 2 રજાઓ મળીને 7 રજાઓ ફક્ત રવિવાર અને શનિવારની રહેશે.
ઓગસ્ટમાં બીજા કયા દિવસોએ બેન્ક રહેશે બંધ?
ત્યાર બાદ ઈન્ફાલમાં 13 ઓગસ્ટે પેટ્રિયટ ડે પર બેન્ક બંધ રહેશે. પારસી નવવર્ષ પર 16 ઓગસ્ટે બેલાપુર, મુંબઈ અને નાગપુરમાં બેન્ક બંધ રહેશે. 19 ઓગસ્ટે મુહર્રમના કારણે બેન્કોમાં કામકાજ બંધ રહેશે. ત્યાર બાદ 20 ઓગસ્ટે ઓણમ છે જેમાં બંગ્લોર, ચેન્નાઈ, કોચ્ચિ અને તિરૂવનંતપુરમમાં બેન્કો બંધ રહેશે. 21 ઓગસ્ટે થિરૂવોણમ અને 23 ઓગસ્ટે શ્રી નારાયણા ગુરુ જયંતીના અવસર પર કોચ્ચિ અને તિરૂવનંતપુરમમાં બેન્કો બંધ રહેશે. 30 ઓગસ્ટે કૃષ્ણ જન્માષ્ટમી હોવાના કારણે બેન્કો બંધ રહેશે. હૈદરાબાદમાં કૃષ્ણ જન્માષ્ટમી 31 ઓગસ્ટે ઉજવવામાં આવશે. માટે હૈદરાબાદમાં 31 ઓગસ્ટએ બેન્કો બંધ રહેશે.