ગુજરાત / ગાંધીનગરમાં કોરોના બ્લાસ્ટ : એક ઝાટકે 15 વિદ્યાર્થીઓને કોવિડ, ગુજરાતીઓ ચિંતામાં મૂકાયા

• ગાંધીનગરમાં અચાનક કોરોના કેસમાં વધારો
• ગુજરાત નેશનલ લો યુનિમાં 15 વિદ્યાર્થીઓને કોરોના
• હોસ્ટેલમાં રહેતા વિદ્યાર્થીઓને તાવના લક્ષણો દેખાતા કરાયા હતા ટેસ્ટ

છેલ્લા ઘણા સમયથી ગુજરાતમાં કોરોનાના 8થી 20 કેસ નોંધાઇ રહ્યા હતા, તેવામાં શુક્રવારે(8-4-2022)ના રોજ રાજ્યમાં કોરોના બ્લાસ્ટ થયો છે. ગુજરાત નેશનલ લો યુનિમાં એકસાથે 15 વિદ્યાર્થીઓને કોરોના પોઝિટીવ આવતા હડકંપ મચ્યો છે. હોસ્ટેલમાં રહેતા વિદ્યાર્થીઓને તાવના લક્ષણો દેખાતા ટેસ્ટ કરાયા હતા. હાલ 15 જેટલા વિધાર્થીઓનો કોરોના રિપોર્ટ પોઝિટિવ આવ્યો છે. બધા જ પોઝિટિવ વિધાર્થીઓ હોમ ક્વોરન્ટાઇન કરાયા છે. હાલ આરોગ્ય વિભાગની ટીમ દોડતી થઇ છે.

ગઇકાલે કોરોનાના 8 કેસ નોંધાયા હતા
ગુજરાતમાં ગઇકાલે(7-4-2022)ના રોજ રાજ્યમાં કોરોના વાયરસના 8 કેસ નોંધાયા હતા અને 9 દર્દીઓ સાજા થયા હતા. અમદાવાદ શહેરમાં 3, ખેડામાં 2, ગાંધીનગર શહેરમાં 1, કચ્છમાં 1 અને વડોદરામાં 1 કોરોનાનો કેસ નોંધાયો હતો.

મુંબઈમાં નોંધાઇ ચૂક્યો છે નવા વેરિયન્ટ XEનો પ્રથમ કેસ
કોરોનાના નવા વેરિઅન્ટ XEનો પહેલો કેસ બુધવારે મુંબઈમાં જોવા મળ્યો હતો. ત્યારે હવે મહારાષ્ટ્રના મંત્રી આદિત્ય ઠાકરેએ એક ટ્વીટ કરતા લખ્યું કે કોરોનાના નવા વેરિઅન્ટ XEના શંકાસ્પદ દર્દીની હાલત ઠીક છે, તેના સંપર્કમાં આવતા લોકો કોરોના નેગેટિવ છે. નમૂનાઓ પરીક્ષણ માટે NIBMGને મોકલવામાં આવ્યા છે. હું લોકોને ગભરાશો નહીં તેવી અપીલ કરું છું. તો આ દરમિયાન, મહારાષ્ટ્રના આરોગ્ય પ્રધાન રાજેશ ટોપેએ જણાવ્યું હતું કે નેશનલ ઇન્સ્ટિટ્યૂટ ઑફ વાયરોલોજીએ કોરોનાના વેરિઅન્ટ XE વિશે પુષ્ટિ કરવા માટે અધિકૃત સંસ્થા છે.અમે સેમ્પલ મોકલ્યા છે, હજુ પુષ્ટિ નથી થઈ. તો બીજી તરફ XE વેરિઅન્ટની વાત કરવામાં આવે તો XE વેરિઅન્ટમાં ચેપ 10 ટકા ઝડપથી ફેલાય છે, જો કે આ સિવાય ગભરાવાની કોઈ વાત નથી. સરકારી સૂત્રોએ મીડિયા અહેવાલોને રદિયો આપ્યો છે કે દેશમાં XE કેસ મળી આવ્યા હતા. સરકારી સૂત્રોએ જણાવ્યું હતું કે નમૂનાની ફાસ્ટ ક્યૂ ફાઇલ, જેને XE વેરિઅન્ટ કહેવામાં આવે છે.

વેક્સિનેશનને લઈને મહત્વના સમાચાર

• હવે ખાનગી વેક્સિન સેન્ટર પરથી મળી શકશે પ્રિકોશન ડોઝ 
• 10 એપ્રિલથી ખાનગી વેક્સિન સેન્ટર પરથી મળી શકશે પ્રિકોશન ડોઝ
• 18 વર્ષથી ઉપરના લોકો લઈ શકશે પ્રિકોશન ડોઝ
• આરોગ્યમંત્રી ઋષિકેશ પટેલે ટ્વિટ કરી આપી માહિતી