પૂર્વ લદ્દાખમાં ગલવાન ખીણમાં હિંસા થયા બાદથી ભારત અને ચીન વચ્ચે ભારે તણાવની સ્થિતિ છે. બંને દેશોની સેના સામ-સામે છે. આ દરમિયાન 14 મા તિબેટીયન આધ્યાત્મિક ગુરુ દલાઈ લામાનો 85 મો જન્મદિવસ આજે ઉજવાશે અને તેમના અનુયાયીઓ આ દિવસને લઈને ખૂબ જ ખુશ છે.
ચીનના અત્યાચારથી કંટાળીને દલાઈ લામા ભારત પહોંચ્યા
આખરે કેમ દલાઈ લામાના નામથી ચીનની બેચેની વધે છે
તેમને ભારતે જ્યારે આશ્રય આપ્યો હતો ત્યારે તે માત્ર 23 વર્ષના હતા
તેમના જન્મદિવસ નિમિત્તે દલાઈ લામાએ ટ્વિટર પર અમેરિકન ભૌતિકશાસ્ત્રી ડેવિડ બોહમ વિશે એક વિશેષ ઓનલાઇન સ્ક્રિનિંગ યોજનાની જાહેરાત કરી છે. જેને તિબેટીયન ધર્મગુરુ તેમના સાયન્સ ગુરુઓમાના એક માને છે. ઉલ્લેખનીય છે કે રવિવારે દલાઈ લામાએ તેના જન્મદિવસના એક દિવસ પહેલા તાઇવાનમાં આયોજિત ઉજવણી દરમિયાન જનરલ ટીચિંગ ઓન માઈન્ડની તાલીમ પણ આપી હતી.
14 મી દલાઈ લામાનો જન્મ 6 જુલાઈ 1935 ના રોજ થયો હતો. નાનપણથી જ તેણે તિબેટની મુશ્કેલીઓને સમજવાનું શરૂ કર્યું અને આ માટે તેણે ચીન સામે અવાજ ઉઠાવવાનું શરૂ કર્યુ. જ્યારે દલાઈ લામાને ભારતે જ્યારે આશ્રય આપ્યો હતો ત્યારે તે માત્ર 23 વર્ષના હતા. દલાઈ લામા મુખ્ય રુપે એક શિક્ષક તરીકે જોવામાં આવે છે. કારણ કે લામા એટલે ગુરુ. દલાઈ લામા તેમના લોકોને સાચા માર્ગ પર ચાલવા પ્રેરણા આપે છે.
ચીનના અત્યાચારથી કંટાળીને દલાઈ લામા ભારત પહોંચ્યા
હકીકતમાં 13 મા દલાઈ લામાએ 1912 માં તિબેટને ચીનથી અલગ સ્વતંત્ર જાહેર કર્યું હતું અને આને કારણે 1950 માં ચીનના લોકોએ તિબેટ પર આક્રમણ કર્યું હતું અને આ તે સમયે હતો જ્યારે 14 મા દલાઈ લામાને ચૂંટવાની પ્રક્રિયા ચાલી રહી હતી. તિબેટને આ યુદ્ધમાં હારનો સામનો કરવો પડ્યો.
કેટલાક વર્ષો પછી તિબેટના લોકોએ ચીનના શાસન સામે બળવો કર્યો અને તેમની સ્વતંત્રતાની માંગ શરૂ કરી. જો કે બળવાખોરો આમાં સફળ થયા ન હતા. દલાઈ લામાને લાગ્યું કે તેઓ ચીનની જાળમાં ફસાઈ જશે તેથી તેણે 1959 માં ભારતમાં આશરો લીધો હતો. મોટી સંખ્યામાં તિબેટીઓ પણ દલાઈ લામા સાથે ભારત આવ્યા હતા. ભારતમાં દેશ નિકાલમાં જીવતા તિબેટીઓની સંખ્યા 80 હજારથી વધુ છે અને બધા હિમાચલ પ્રદેશના ધર્મશાલા હિમાલય શહેરમાં વનવાસ કરી રહ્યા છે.
આખરે કેમ દલાઈ લામાના નામથી ચીનની બેચેની વધે છે
ચીનને ભારત દ્વારા દલાઈ લામાને આશ્રય આપવાનું ગમતું ન હતું અને ભય હતો કે ક્યાંક દલાઈ લામા તેની તાનાશાહી અને ક્રૂરતા વિશે દુનિયાને ન જણાવી દે. દલાઈ લામા ઘણીવાર તિબેટની સ્વાયતતા વિશે વાત કરે છે. જે ચીનને હંમેશાથી ખટક્યું છે.