આવકવેરા વિભાગને હૈદરાબાદની એક ફાર્માસ્યુટિકલ કંપનીની ઓફિસમાંથી 142 કરોડની રોકડ હાથ લાગી છે.
550 કરોડ રૂપિયાના બેનામી વ્યવહાર મળી આવ્યા
ગુનો સાબિત કરતા દસ્તાવેજો પણ મળ્યા હતા
અનેક બેન્ક લોકરો મળ્યાં
ITને 142 કરોડની રોકડ હાથ લાગી
ITને 142 કરોડની રોકડ હાથ લાગી
આવકવેરા વિભાગને ફાર્માસ્યુટિકલ કંપનીની ઓફિસમાંથી 142 કરોડની રોકડ હાથ લાગી છે. અધિકારીએ આ અંગે વાત કરતા જણાવ્યું કે, દસ્તાવેજો તપાસ્યા બાદ માહિતી મળી છે કે, કંપનીએ તો રૂપિયા 550 કરોડની કમાણીનો ક્યાંય પણ ઉલ્લેખ નથી કર્યો. આ કંપની દુનિયાના 50થી વધુ દેશમાં ભારતમાં ઉત્પાદિત દવાઓની નિકાસ કરે છે.
કરોડોના બેનામી વ્યવહાર મળી આવ્યા
સીબીડીટીએ એક નિવેદનમાં જણાવ્યુ હતું કે, દરોડા દરમિયાન અનેક બેંકના લૉકરની માહિતી મળી હતી જેમા 16 લૉકર ચાલુ સ્થિતિમાં છે. દરોડા દરમિયાન અત્યાર સુધીમાં 142.87 કરોડની રોકડ રકમ જપ્ત કરવામાં આવી છે. આ ઉપરાંત કુલ 550 કરોડ રૂપિયાના બેનામી વ્યવહાર મળી આવ્યા છે. આ કંપની ફાર્માસ્યુટિકલ સામગ્રી વગેરેનું ઉત્પાદન કરે છે અને મોટાભાગે અમેરિકા અને દુબઈ જેવા દેશોમાં નિકાસ કરે છે.
અમેરિકા અને દુબઈ અને આફ્રિકન દેશો તેમજ યુરોપિયન દેશોમાં નિકાસ
સીબીડીટીએ વધુમાં જણાવ્યું હતું કે હજી આગળ તપાસ ચાલી રહી છે. સીબીડીટી ઇન્કમટેક્સ વિભાગ માટેની નીતિઓ તૈયાર કરે છે. સીબીડીટીએ કહ્યું કે આ કંપની ફાર્માસ્યુટિકલ સામગ્રી વગેરેનું ઉત્પાદન કરે છે અને મોટાભાગે અમેરિકા અને દુબઈ જેવા દેશો તેમનં કેટલાક આફ્રિકન દેશો અને યુરોપિયન દેશોમાં નિકાસ કરે છે.
ગુનો સાબિત કરતા દસ્તાવેજો પણ મળ્યા હતા
સીબીડીટીએ જણાવ્યું હતું કે, "ડિજિટલ મીડિયા, પેન ડ્રાઈવ, દસ્તાવેજો વગેરેના સ્વરૂપમાં ગુના સાબિત કરનારા દસ્તાવેજો જપ્ત કરવામાં આવ્યા છે અને જૂથ દ્વારા બનાવેલ એસએપી અને ERP સોફ્ટવેરથી ડિજિટલ 'પુરાવા' એકત્રિત કરવામાં આવ્યા હતા. " કોવિડ-19 ની સારવાર માટે અનેક કરારો પર હસ્તાક્ષર અને વિવિધ દવાઓ જેમ કે રેમડેસિવિર અને ફેવિપિરાવીર જેવી અનેક દવાઓ વિકસિત કરવા માટેના કામોમાં સામેલ હોવાને કારણે હેટેરો જૂથ હેડલાઇનમાં રહ્યું હતું. હેટેરો ગ્રુપ ભારત, ચીન, રશિયા, ઇજિપ્ત, મેક્સિકો અને ઈરાનમાં 25 થી વધુ ઉત્પાદન કેન્દ્રો ધરાવે છે.