હાલ લીંબુના ભાવની બોલ બાલા છે. લીંબુના ભાવ પર સૌની નજર રહે છે. ઉનાળાની શરૂઆત થતાની સાથે જ લીંબુના ભાવ આસમાને પહોંચતાં સામાન્યમાં સામાન્ય માણસને પણ જેની અસર થઈ છે. તેની સાથે સાથે તેમણે લીંબુની સુરક્ષા પણ વધારવી પડી છે. કામરેજના કઠોર ગામે 6.5 વીઘામાં કરેલ લીંબુની વાડીમાંથી 140 કિલો જેટલા લીબુની ચોરી થઈ છે.
ખેડૂતે લીંબુ ચોરી થયાની ફરિયાદ નોંધાવી નથી
ઉલ્લેખનીય છે કે, લીંબુના ભાવ આસમાને પહોંચતાં તસ્કરો લીંબુ તરફ વળ્યા હોય તેમ લાગે છે. જો કે, ખેડૂતે લીંબુ ચોરી થયાની ફરિયાદ નોંધાવી નથી કેમકે જે રીતે લીંબુના ભાવ વધ્યા છે. જેના કારણે અજાણ્યા ઈસમો દ્વારા લીંબુની ચોરી કરવામાં આવી છે.
રાત્રીના સમયે તસ્કરો 140 કિલો લીંબુની ચોરી કરી ગયા
બે - ત્રણ દિવસ અગાઉ ખેડૂતે ખેતરમાં તૈયાર થયેલા લીંબુને ઉતારી તેને અલગ અલગ કરી ખેતરમાં મુક્યા હતાં. રાત્રીના સમયે તસ્કરો 140 કિલો લીંબુની ચોરી કરી ગયા હતાં. જે અંગે બીજા દિવસે સવારે જથ્થો વિખેરાયેલો જોવા મળતાં ચોરી થયાનો અંદાજ આવ્યો હતો.