ચિંતાજનક / આ રાજ્યમાં કોરોના બાદ વધુ એક વાયરસના એટલા કેસ આવ્યા કે વધ્યું ટેન્શન, કેન્દ્રએ તાબડતોબ મોકલી ટીમ

• કેરળમાં જીકા વાયરસના 14 કેસ સામે આવ્યા 
• જીકા વાયરસને કારણે લોકોમાં ભયનો માહોલ 
• કેન્દ્ર સરકારે 6 વિશેષજ્ઞોની ટીમ કેરળ મોકલી 

કેરળમાં જીકા વાયરસ સંક્રમણના અત્યાર સુધીમાં કુલ 14 મામલાઓ સામે આવ્યા છે. રાષ્ટ્રીય વિષાણું સંસ્થાન દ્વારા 13 કેસની પુષ્ટી કરવામાં આવી ત્યારબાદ તેમણે ચેતવણી આપી છે. અહીયા 24 વર્ષીય સગર્ભા યુવતીમાં સૌથી પહેલા આ મચ્છર જન્ય  વાયરસની પુષ્ટી થઈ હતી. આ મામલે વાયરસની સ્થિતી પર નજર રખાવા કેન્દ્રીય વિશેષજ્ઞોની ટીમ રવાના થઈ ચુકી છે. 

વાયરસના લક્ષણો ડેન્ગયું જેવા 

કેરળ સરકારે અત્યાર સુધીમાં કુલ 19 સેમ્પલ મોકલ્યા હતા. જેમાથી 13 સેમ્પલનો જીકા વાયરસના હોવાનું સામે આવ્યું. આ વાયરસના લક્ષણ ડેન્ગયૂં જેવા છે. જેમા તાવની સાથે સાતે સાંધામાં દુખાવો થાય છે. 

કેન્દ્ર સરકારની ટીમ કેરળ પહોચી 

જોકે આ મામલે કેરળના સ્વાસ્થ્યએ આ મામલે કહ્યું કે જીકા વાયરસને રોકવા માટે યોજના બનાવી લેવામાં આવી છે. કેરળ સરકારને આ વાયરસ રોકવા માટે કેન્દ્ર સરકારની ટીમ પણ સહયોગ આપવા પહોચી ગઈ છે. 

સ્વાસ્થ્ય મંત્રાલયે આપી માહિતી 

કેરળ સ્વાસ્થ્ય મંત્રાલય દ્વારા આ મામલે ગઈકાલે માહિતી આપવામાં આવી કે તેમના ત્યા જીકા વાયરસના અમુક કેસ સામે આવ્યા છે. જેથી કેન્દ્ર સરકાર દ્વારા 6 લોકોની ટીમ ત્યા મોકલવામાં આવી છે. જે વાયરસને રોકવાની યોજનામાં તેમનો સહયોગ આપશે. આ ટીમમાં સાર્વજનિક સ્વાસ્થ્ય વિશેષજ્ઞ તેમજ મચ્છર જનિત રોગોના વિશેષજ્ઞ અને એઈમ્સના વિશેષજ્ઞો પણ શામેલ છે. 

કોરોનાનો સૌથી પહેલો કેસ કેરળમાં નોંધાયાો હતો

ઉલ્લેખનીય છે કે, કોરોના વાયરસનો સૌથી પહેલો કેસ આપણા દેશમાં કેરળમાં જોવા મળ્યો છે. ત્યારે વધુંમાં અહીયા જીકા વાયરસના કેસ સામે આવ્યા છે. જેથી કેરળ સરકારે અત્યારથી આ વાયરસ સામે લડવા માટેની રણનીતી તૈયાર કરી લીધી છે.