ઓ હો હો.. / ભાવનગરમાં 14 હજાર કરોડના બોગસ બિલિંગ કૌભાંડનો 1 વર્ષમાં પર્દાફાશ, 3500 જેટલા GST નંબર રદ

• GST માં બોગસ બિલિંગમાં ભાવનગર અગ્રેસર
• વર્ષમાં 14 હજાર કરોડના બોગસ બિલિંગ ઝડપાયા
• ભાવનગરના 13 લોકોની અટકાયત કરવામાં આવી 

GST માં બોગસ બિલિંગ ક્ષેત્રે ભાવનગરનું અગ્રેસ સ્થાન ધરાવે છે અને ભાવનગરમાંથી છેલ્લા એક વર્ષમાં 14 હજાર  કરોડનું બોગસ બિલિંગ ઝડપી લેવામાં આવ્યું  છે. જેમાં 13થી વધુ લોકોની બોગસ બિલિંગ પ્રકરણમાં અટકાયત કરવામાં આવી છે. જો કે હજુ સ્થાનિક તંત્ર વેરા શાખ ઉઘરાવવામાં માત્ર 30 ટકા જ સફળતા મેળવી શક્યું છે. 

3500 જેટલા GST  નંબર રદ કર્યા 
ભાવનગરમાં બોગસ બિલિંગના હજારો કરોડના કૌભાંડ બહાર આવી રહ્યા છે ત્યારે જીએસટીના જોઇન્ટ કમિશનર એમ.એ કાવટકરે જણાવ્યું કે તપાસ કરતા બદ ઈરાદાઓ સાથે જીએસટી નંબર લેવામાં આવ્યો હોય એવા એક વર્ષમાં 1000 હજાર કરતાં વધુ જીએસટી નંબર ટ્રેસ કરવામાં આવ્યા છે, છેલ્લા એક વર્ષમાં 14000 કરોડ કરતાં પણ વધુનું બોગસ બિલિંગ ભાવનગર થી ઝડપી લેવામાં આવ્યું છે જેમાં 13 થી વધુ લોકોની ધરપકડ કરવામાં આવી અને હજુ તપાસ શરૂ છે, આ દરમિયાન સ્ટેટ જીએસટી અને જીએસટી દ્વારા 3500 જેટલા નંબરો રદ કરવામાં આવ્યા છે ભાવનગર માં મોટાભાગે અલન્ગ માંથી નીકળતા સ્ક્રેપ તેમજ અન્ય ઉદ્યોગો માં બોગસ બિલિંગ નો ધીકતો ધંધો ચાલી રહ્યો છે ભાવનગરમાં બોગસ બિલિંગમાં  અનેક મોટામાથાઓ અને ઉદ્યોગપતિઓ પણ સામેલ છે  તેમ છતાં સ્થાનિક તંત્ર ને ત્યાં સુધી પહોંચવા તેનો પનો  તુકો પડે છે.

ભાવનગર બોગસ બિલિંગ માટેનું એપી સેન્ટર બન્યુ 
બીજી વાત એમ પણ છે કે આવા મોટા બોગસ કામો સ્ટાફની કે અધિકારી ની સંડોવણી વગર શક્ય પણ નથી જો કે  કમિશ્નરે વાતનો સ્વીકાર કરતાં જણાવ્યું કે ભૂતકાળમાં કૌભાંડ બાબતે તપાસ દરમિયાન 32 જેટલા અધિકારી અને કર્મચારીની બદલી કરવામાં આવી હતી, ભાવનગર ના અધિકારીઓ એ ભલે  ૧૪,૦૦૦ કરોડનાં બોગસ બિલિંગ ઝડપી લેવામાં આવ્યું છે  તેવા દાવા કરવામાં આવે પરંતુ તો વેરા સહિતની કેટલીક વસુલાત કરવામાં આવી ત્યારે જોઇન્ટ કમિશનર ગોળ ગોળ જવાબ આપીને છટકી રહ્યા હતા, આનો અર્થ એવો થાય છે કે જીએસટી દ્વારા બોગસ બિલિંગમાં હજારો કરોડના મોટા-મોટા આંકડા બતાવવામાં આવે છે પરંતુ વસૂલાતમાં મામલે શૂન્ય જણાઈ રહ્યું છે.

• ભાવનગરમાં વર્ષમાં 14000 કરોડ રૂપિયાનું બોગસ બિલિંગ
• ભાવનગરના 13 લોકોની અટકાયત કરવામાં આવી 
• કરોડોના GST નંબર મેળવી કોંભાડ આચાર્યા
• 3500 જેટલા GST  નંબર રદ કર્યા 
• એક હજારથી વધુ GST  નંબર ટ્રેસ કરી નોટિસ અપાઇ 
• ભાવનગર બોગસ બિલિંગ માટેનું એપી સેન્ટર બન્યુ