કોરોનાના વધતા કેસોને જોતા ઓરિસ્સામાં સરકારે 14 દિવસનું લૉકડાઉન જાહેર કરવાની ફરજ પડી છે.
ઓરિસ્સામાં CM નવીન પટનાયકે 5મેથી 19મે સુધી લૉકડાઉન જાહેર કર્યુ છે. સરકાર દ્વારા જાહેર કરાયેલી ગાઈડલાઈન્સનું પાલન કરવાનો આદેશ કરાયો છે.
ઉલ્લેખનીય છે કે દેશમાં એક દિવસમાં કોવિડ -19 નો રેકોર્ડ 3,689 દર્દીઓના મૃત્યુ પછીના મૃતકોની સંખ્યા 2,15,542 થઈ ગઈ છે. જ્યારે 3,92,488 વધુ લોકોમાં કોરોના વાયરસનું સંક્રમણ થતં કુલ કેસ 1.95 કરોડને પાર થયો છે. કેન્દ્રીય સ્વાસ્થ્ય મંત્રાલયે રવિવાર સુધી આ આંકડાઓની માહિતી આપી હતી.
સવારે 8 વાગ્યા સુધીના આંકડાઓ મુજબ દેશમાં કોરોના વાયરસના ઍક્ટિવ કેસની સંખ્યા 33 લાખને પાર છે.
દેશમાં કોવિડ-19ના દર્દીઓની સંખ્યા ગત વર્ષની 7 ઓગસ્ટે 20 લાખને પાર થઈ ગઈ હતી. જ્યારે 23 ઓગસ્ટે 30 લાખ, 5 સપ્ટેમ્બરે 40 લાખ, 16 સપ્ટેમ્બરે 50 લાખનો આંકડો પાર થયો હતો. ત્યાર બાદ 28 સપ્ટેમ્બરે 60 લાખ, 11 ઑક્ટોબરે 0 લાખ, 29 ઑક્ટોબરે 80 લાખ, 20 નવેમ્બરે 90 લાખ, 19 ડિસેમ્બરે એક કરોડ અને 19 એપ્રિલે આ કેસ 1.5 કરોડને પાર થઈ ગયા હતાં.