ગાંધીનગર / બર્થડે પાર્ટીમાં દારૂની મહેફિલ માણતાં 14 યુવક-યુવતીઓની ધરપકડ

દારૂબંધી હોવા છતાં ગુજરાત જાણે કે દારૂનો અડ્ડો બની ગયું છે. કાયદાનો ડર ન હોય એમ ખુલ્લેઆમ લોકો મહેફિલો માણી રહ્યા છે. જ્યારે ચીલોડાના દશેલા ગામમાં આવેલા માધવફાર્મ હાઉસમાં દરોડા પાડી પોલીસે દારૂની મહેફિલ માણતાં 14 યુવક-યુવતીઓની ધરપકડ કરી છે. 

ચીલોડાના દશેલા ગામમાં આવેલા માધવફાર્મ હાઉસમાં દારૂની મહેફિલ ચાલતી હતી. પોલીસે દારૂની મહેફિલ પર દરોડા પાડી 9 યુવક અને 5 યુવતી ધરપકડ કરી છે. જ્યારે આ સાથે પોલીસે 6 ગાડી પણ જપ્ત કરી છે. તો 5 યુવતીઓનો મોડી રાત્રે સિવિલ હોસ્પિટલમાં મેડીકલ ટેસ્ટ પણ કરાવાયો હતો. 

ગ્રામ્ય LCBએ કરેલી રેડ દરમિયાન લાખોનો મુદ્દામાલ જપ્ત કરવામાં આવ્યો છે. પોલીસનું માનીઓ મિત્રના જન્મદિવસની પાર્ટી ઉજવવામાં આવી રહી હતી. જેમાં મોટાભાગના એન્જિનિયરિંગ અને સ્નાતક કક્ષાના વિદ્યાર્થીઓ છે.