સમસ્યા / જેતપુરમાં પ્રદૂષણને નાથવા જતા બેકારી બેકાબૂ બની જવાની ભીતિ

• જેતપુરમાં વધતા પ્રદુષણને લઇ NGTની કાયર્વાહી 
• 130 જેટલા કારખાનાઓને પ્રદુષણ માટે નોટિસ  
• કારખાનેદારો નિયમોને અમલ ન કરે તો સીલ મારવાની કાયર્વાહી કરાશે 
• કારખાનાઓ બંધ થાય તો 50 હજાર જેટલા કારીગરો થશે બેકાર

પોલ્યૂશન કંટ્રોલ કરવા માટે દેશ ની સર્વોચ્ચ સંસ્થા NGT મોખરે છે, વિશ્વભર માં સાડી અને કોટન પ્રિન્ટિંગ માં નામના ધરાવનાર જેતપુર માં કલર અને કેમિકલ નું પ્રદુશન ચરમસીમા ઉપર છે ત્યારે NGT એ આ પ્રદુશનને રોકવા માટે કરમ કસી છે. 

જેતપુરના આ 130 જેટલા કારખાનાઓને પ્રદુષણ ફેલાવા માટે નોટિસ બજાવી હતી. અને તેના માટે 90 દિવસનો સમય આપ્યો હતો. જે મુજબ NGTના આદેશ અનુસાર ડેપ્યુટી કલેકટર દ્વારા આ નોટિસ અંતર્ગત કાર્યવાહી શરૂ કરવામાં આવી છે.

તમામ 130 જેટલા કારખાનાઓ ઉપર પ્રદુષણ ફેલાવવા માટે કંપનસેશન અને દંડ સહિતની કાર્યવાહીની શરૂ કરવામા આવી હતી. જે મુજબ આ તમામ પ્રદુષણ ફેલાવતા 130 કારખાના માલિકોને ડેપ્યુટી કલેકટર દ્વારા કેસને સાભળવામાં આવ્યા હતા અને આગળ 15 દિવસ સમય દેવામાં આવ્યો છે. 130 જેટલા કારખાનાઓમાં 50 કારખાનાઓને પહેલાથીજ ક્લોઝર હતું અને તેની સમીક્ષા બાદ ક્લોઝર રેવૉકેશન કરવામાં આવેલ હતું, અને આ કારખાના ફરી ચાલુ છે, જો આ કારખાનાઓને ફરીથી ક્લોઝર આપવામાં આવે તો અંદાજિત 50 હજાર જેટલા કારીગરો આ ધંધા સાથે જોડાયેલ છે તેવો બેકાર થવાની શક્યતા છે.