શરમજનક / દિલ્હીમાં ફરી નિર્ભયા જેવી ઘટના, રેપ બાદ લોહીથી લથબથ બાળકી પહોંચી પડોશીના ઘરે અને...

• 13 વર્ષની બાળકી સાથે નિર્ભયા જેવી ક્રૂરતા
• દિલ્લીના પશ્ચિમ વિહાર વેસ્ટના પીરાગઢીની ઘટના
• બાળકીના શરીર પર ગંભીર નિશાન, હાલત ગંભીર

જોકે બાળકી પર નિર્ભયા જેવી ઘટનાને અંજામ આપ્યાની આશંકા છે. લોહી લુહાણ બાળકીને મૃત સમજીને આરોપીઓ ફરાર થઇ ગયા હતા. જોકે બાળકી મહામહેનતે બહાર આવી અને પડોશીનો દરવાજો ખટખટાવ્યો અને પોતાની સાથે બનેલી ઘટના જણાવી હતી. ત્યારે બાળકીની હાલતને જોઇને પડોશીએ આ ઘટનાની જાણકારી પોલીસને આપી હતી અને પોલીસે તાત્કાલિક બાળકીને સંજય ગાંધી હોસ્પિટલમાં દાખલ કરાવી હતી. 

આરોપીની શોધખોળ પોલીસે કરી શરૂ

આપને જણાવી દઇએ કે, પોલીસે હાલ હત્યાની કોશિશ અને પોક્સો સહિતનો ગુનો દાખલ કર્યો છે અને આરોપીની શોધખોળ શરૂ કરી છે. બાળકીએ નિવેદનના આધારે ઘટનામાં બે શખ્સો સામેલ હતા. જોકે પોલીસને આશંકા છે કે બંને સંદિગ્ધ આસપાસના જ છે. 

બાળકીનો પરિવાર પીરાગઢીમાં ભાડે રહેતો હતો

પોલીસના જણાવ્યા અનુસાર બાળકીનો પરિવાર પીરાગઢીમાં ભાડે રહેતો હતો. પરિવાર મૂળ બિહારનો રહેવાસી છે અને ત્યા મોટાભાગે આસપાસ ફેક્ટરીમાં કામ કરતા લોકો રહે છે.

બાળકીની હાલત હાલ સ્થિર

આ ઘટના લગભગ 4 વાગ્યે બની હોવાની પોલીસને આશંકા છે. પ્રાથમિક તપાસમાં બે શખ્સોએ બાળકી સાથે સેક્સુઅલ અસોલ્ટની કોશિશ કરી છે...બાળકીએ વિરોધ કરતા તેની હત્યાની કોશિશ કરવામાં આવી છે. બાળકીની હાલત હાલ સ્થિર છે. જોકે હાલ મેડિકલ રિપોર્ટની રાહ જોવાઇ રહી છે. 

પોલીસે હાથ ધરી તપાસ 

જ્યારે પોલીસ બિલ્ડિંગમાં રહેતા તમામ હાજર અને ગેરહાજર લોકોની તપાસમાં લાગી છે. આસપાસના CCTV કેમેરાની પણ તપાસ કરવામાં આવી રહી છે...