મહારાષ્ટ્રના પુણેમાં 13 વર્ષની સગીરા પર 7 લોકોએ દુષ્કર્મ આચરવાની ઘટના બની છે.
મહારાષ્ટ્રના પુણેમાં ચકચારી ઘટના
13 વર્ષની સગીરા પર 7 લોકોએ દુષ્કર્મ આચર્યું
પોલીસે 7 આરોપીની ધરપકડ કરી
પોલીસે દુષ્કર્મના આરોપસર 7 આરોપીની ધરપકડ કરી છે.
31 ઓગસ્ટની રાતે 13 વર્ષીય પીડિતા પુણે રેલેવે સ્ટેશને તેના મિત્રની રાહ જોઈને બેઠી હતી. સગીરાને એકલી જોઈને તથા ખોટી દાનત ધરાવતો એક ઓટો રિક્ષા ડ્રાઈવરે તેની પાસે આવ્યો હતો. ત્યાર બાદ ઓટો રિક્ષા ડ્રાઈવરે સગીરાને જાળમાં ફસાવવા તેને ઘેર સુધી મૂકી જવાની ઓફર કરી. મિત્રને આવતા ખૂબ મોડું થયું હોવાથી સગીરા રિક્ષા ડ્રાઈવરની વાતોમાં આવી ગઈ અને તે અજાણ્યા ડ્રાઈવરની રિક્ષામાં બેસી ગઈ હતી.
ત્યાર બાદ ખોટી દાનત ધરાવતા રિક્ષા ડ્રાઈવરે ફોન કરીને તેના મિત્રોને બોલાવી લીધા હતા અને સગીરાને શહેરના જુદાજુદા વિસ્તારમાં ફેરવીને તેની સાથે સામૂહિક દુષ્કર્મ કરવા લાગ્યા હતા. પોતાનું કામ પુરુ થતા આરોપીઓએ સગીરાને મુંબઈ જનારી બસમાં બેસાડી દીધી હતી.
અધમુઈ હાલતમાં ઘેર આવેલી સગીરાએ પરિવારને વાત કરતા પોલીસ ફરિયાદ કરવામાં આવી. ત્યાર બાદ એક્શનમાં આવેલી પોલીસ 7 આરોપીની ધરપકડ કરી હતી.
મુંબઈમાં 17 વર્ષના સગીરે કઝિન બહેનને દુષ્કર્મ આચરીને ગર્ભવતી બનાવી
મુંબઈના ડોંગરીમાં સમાજ માટે શરમજનક કહી શકાય એવી ઘટના બની હતી. એક 17 વર્ષના સગીરે તેની કઝિન બહેન સાથે જ દુષ્કર્મ આચરતા સગીરા પ્રેગ્નન્ટ થઈ ગઈ હતી.
પોલીસે સગીરને પકડ્યો
ડોંગરી પોલીસ આ મામલે તપાસ હાથ ધરી હતી અને 17 વર્ષના સગીરને પકડ્યો હતો. સગીરા 8 મહિનાથી ગર્ભવતી હોવાનું માલૂમ પડ્યું હતું. બંને જૂઈ નગર નવી મુંબઈના રહેવાસી છે. પોલીસ કહ્યું હતું કે સગીરા ધોરણ દસમાં અભ્યાસ કરતી હતી અને આરોપી તેનો પિતરાઇ ભાઈ તેણીને 10 માં ધોરણના અભ્યાસમાં મદદ કરતો હતો.