દુર્ઘટના / અમેરિકાના શિકાગોમાં અંધાધૂંધ ગોળીબાર: 13 લોકો ઘાયલ, 4ની હાલત ગંભીર

• અમેરિકાના શિકાગોમાં અંધાધૂંધ ફાયરિંગ
• 13 લોકો ઘાયલ, 4 ની હાલત ગંભીર 

ખાનગી ન્યૂઝ એજન્સીએ આ મામલે જણાવ્યું હતું કે, સ્થાનિક પોલીસે જણાવ્યું હતું કે એક હાઉસ પાર્ટી દરમિયાન ગોળીબારનો બનાવ બન્યો હતો. જેમાં 13 લોકોને ગોળી વાગી છે અને 4 લોકોની હાલત ગંભીર હતી. જો કે હજી આ અંગે કોઇ સ્પષ્ટ જાણકારી પ્રાપ્ત થઇ નથી. 

ટ્વીટ કરીને અપાઇ જાણકારી 

નોંધનીય છે કે, ટોમ અહર્ને ટ્વીટ કરીને કહ્યું કે, શિકાગો પોલીસના સ્થાનિક સમયાનુસાર વહેલી સવારે 6 કલાકે ગોળીબારની ઘટનાને લઇને એક પ્રેસ કોન્ફરન્સનું આયોજન કરવામાં આવશે. 

57 નંબરની શેરીમાં બની ઘટના 

Chicago (USA) police say 13 people were shot at a house party on the city's South Side and four are critically injured: The Associated Press

— ANI (@ANI) December 22, 2019

પોલીસના જણાવ્યા અનુસાર, ગોળીબારની ઘટના 57 નંબરની શેરીમાં બનવા પામી હતી. આ બનાવ જે સ્થળે બન્યો ત્યાં આસપાસમાં રહેતા લોકોએ જણાવ્યું હતું કે, 5 ગોળી ચાલવાનો અવાજ સંભાળયો હતો. 

4 લોકોની હાલત ગંભીર 

જો કે, આ ઘટના અંગેની જાણ થતાં જ સ્થાનિક પોલીસ કાફલો ઘટના સ્થળે આવી પહોંચ્યો હતો અને વધુ તપાસ હાથ ધરી હતી. આ ઘટનામાં ઘાયલ થયેલા તમામ લોકોને નજીકની હોસ્પિટલમાં સારવાર અર્થે ખસેડવામાં આવ્યા હતા. જે પૈકી 4 લોકો ગંભીર હોવાની જાણકારી પ્રાપ્ત થઈ છે.