દુઃખદ / અ-મંગળવાર : કર્ણાટક અને હરિયાણામાં ગમ્ખવાર રોડ અકસ્માતમાં 13ના મોત, 43 ઘાયલ 

• કર્ણાટકના હુબલીમાં માર્ગ અકસ્માતમાં 7 લોકોના મોત
• હરિયાણાં જીંદમાં પણ રોડ અકસ્માતમાં 6 લોકોના 
• અકસ્માતમાં ઘાયલ થનાર ઈજાગ્રસ્તોને સારવાર અર્થે હોસ્પિટલ ખસેડાયો

કર્ણાટકના હુબલ્લી શહેરની બહાર એક પેસેન્જર બસ અને લોરી વચ્ચે ગંભીર અકસ્માત થતાં 7 લોકોનાં મોત થયાં અને 26 લોકો ઘાયલ થયા. પોલીસે ઘટના અંગે જાણ કરી હતી.

ડ્રાઇવરોનું ઘટનાસ્થળે જ મોત

ઘાયલોને હુબલીની KIMS હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. અકસ્માત બાદ બંને વાહનોના ચાલકોના ઘટના સ્થળે જ મોત નિપજ્યા હતા. પોલીસના જણાવ્યા અનુસાર પેસેન્જર બસ કોલ્હાપુરથી બેંગ્લોર જઈ રહી હતી.

7 dead, 26 injured in road accident in Karnataka's Hubli

Read @ANI Story | https://t.co/G1JyKtT0eq#Karnataka #Hubli pic.twitter.com/zpjzWTcqIF

— ANI Digital (@ani_digital) May 24, 2022

ટેકઓવર દરમિયાન અકસ્માત

આ ઘટના ગત મોડી રાતના લગભગ 12:30 થી 1 વાગ્યાનો સમય છે. ધારવાડ તરફ જઈ રહેલી લારી સાથે બસ અથડાઈ ત્યારે બસ ચાલક ટ્રેક્ટરને ઓવરટેક કરવાનો પ્રયાસ કરી રહ્યો હતો.

પોલીસે FIR નોંધી

અકસ્માતની માહિતી મળતા પોલીસ તાત્કાલિક ઘટના સ્થળે પહોંચી ગઈ હતી. મૃતકોના મૃતદેહને પોસ્ટ મોર્ટમ માટે મોકલી દેવામાં આવ્યા છે. બીજી તરફ ઘાયલોને નજીકની હોસ્પિટલમાં દાખલ કરવામાં આવ્યા છે. આ મામલે પોલીસે FIR નોંધી છે. વધુ તપાસ ચાલુ છે.

હરિયાણામાં પણ એક ગંભીર અકસ્માતમાં  6 લોકોના મોત  

બીજી તરફ  હરિયાણામાં એક ખૂબ જ દર્દનાક અકસ્માત થયો. જીંદમાં ટ્રક અને પીકઅપની ટક્કર થતાં પીકઅપમાં સવાર છ લોકોના ઘટનાસ્થળે જ મોત થયા હતા, જ્યારે 17 લોકો ગંભીર રીતે ઘાયલ થયા હતા. મૃત્યુ પામેલા તમામ લોકો એક જ પરિવારના હોવાનું કહેવાય છે. ઉલ્લેખનીય છે કે પરિવારના વડાના અવસાન બાદ તમામ હરિદ્વારથી અસ્થિ વિસર્જન કરીને પરત ફરી રહ્યા હતા.