કિસ્સો ખુરશીનો / સહેલું નથી ગુજરાત પર રાજ કરવું: 13 મુખ્યમંત્રીઓ 5 વર્ષ પણ ટક્યા નહીં,પણ PM મોદી અને રૂપાણી નામે રેકૉર્ડ

• ગુજરાતના રાજકીય ઇતિહાસ મુજબ 13 મુખ્યમંત્રીઓ 5 વર્ષ પણ ટક્યા નહીં
• CM પદે 5 વર્ષ પૂર્ણ કર્યા હોય તેમાં નરેન્દ્ર મોદી, હિતેન્દ્ર દેસાઇનો સમાવેશ 
• આ સાથે માધવસિંહ સોલંકી અને વિજય રૂપાણીએ પણ 5 વર્ષ પૂર્ણ કર્યા 

ગુજરાત વિધાનસભાની ચુંટણીને લઈ હાલ તમામ પક્ષો મતદારોને રીઝવવા પ્રયાસમાં લાગ્યા છે. જોકે ગુજરાતના રાજકીય ઇતિહાસ મુજબ સરકાર એટલે કે સત્તા ભલે પાંચ વર્ષની હોય પણ કેટલાય એવા મુખ્યમંત્રી છે કે જે પાંચ વર્ષ સુધી મુખ્યમંત્રી રહી શકયા નથી. આજે આપણે જાણીશું એવા મુખ્યમંત્રીઓ વિશે કે જેમણે મુખ્યમંત્રી પદ ઉપર પાંચ વર્ષ પણ પૂર્ણ નથી કર્યા. 

ગુજરાતના મુખ્યમંત્રી પદે સૌથી વધુ દિવસ રહેવાનો રેકોર્ડ હાલના વડાપ્રધાન નરેન્દ્ર મોદીના નામે છે તો સૌથી ઓછા દિવસ ગુજરાતના મુખ્યમંત્રી રહેનાર દિલીપ પરીખ હતા. ગુજરાતના રાજકીય ઇતિહાસ મુજબ સરકાર ભલે પાંચ વર્ષની હોય પણ તમામ મુખ્યમંત્રી પાંચ વર્ષ રહી શકતા નથી. ગુજરાતના આવા 13 મુખ્યમંત્રી કે જેમનો મુખ્યમંત્રી તરીકેનો કાર્યકાળ પાંચ વર્ષથી પણ ઓછો રહ્યો છે. જોકે CM પદે પાંચ વર્ષ પૂર્ણ કર્યા હોય તેમાં નરેન્દ્ર મોદી, હિતેન્દ્ર દેસાઇ, માધવસિંહ સોલંકી અને વિજય રૂપાણીનો સમાવેશ થાય છે. જોકે દિલીપ પરીખ સૌથી ઓછા 188 દિવસ તો સુરેશ મહેતા 334 દિવસ જ મુખ્યમંત્રી પદે રહ્યા હતા. 

કયા પક્ષે કેટલા દિવસ શાસન કર્યું ? 

ગુજરાતના રાજકીય ઇતિહાસ ઉપર નજર કરીએ તો ભાજપે વર્ષ 1995માં કેશુભાઈ પટેલની સરકાર આવી ત્યારથી વર્તમાન ચૂંટણી જાહેર થઈ ત્યાં સુધી કુલ 9566 દિવસ ગુજરાતમાં શાસન કર્યું છે. આ સાથે કોંગ્રેસે 8495 દિવસ માટે સરકાર બનાવી છે. તો ઇંડિયન નેશનલ કોંગ્રેસે 1768, રાષ્ટ્રીય જનતા પાર્ટીએ 497, જનતા દળે 235 અને જનતા પાર્ટીએ 1042 દિવસ ગુજરાતમાં સરકાર બનાવી હતી.