અમદાવાદ / શાહઆલમમાં હિંસક દેખાવ મામલે કાર્યવાહી, CCTV ફૂટેજના આધારે વધુ 13 આરોપીઓની ધરપકડ

• અમદાવાદમાં વિરોધ પ્રદર્શન દરમિયાન ઘર્ષણનો મામલો
• રવિવારે ઝડપાયેલા 13 આરોપીઓને મેટ્રોકોર્ટમાં રજૂ કરાશે
• ઝડપાયેલા 13 પૈકી 3 આરોપીઓ કિશોર વયના હોવાનું ખુલ્યુ

અમદાવાદમાં વિરોધ પ્રદર્શન દરમિયાન ઘર્ષણના મામલે કાર્યવાહી કરવામાં આવશે. શાહઆલમમાં હિંસા મુદ્દે આરોપીઓને કોર્ટમાં લઈ જવામાં આવશે. રવિવારે ઝડપાયેલા 13 આરોપીઓને મેટ્રોકોર્ટમાં રજૂ કરાશે. આ ઝડપાયેલા 13માંથી 3 આરોપીઓ કિશોરવયના હોવાનું ખુલ્યુ છે. આરોપીઓને પોલીસ બંદોબસ્ત વચ્ચે કોર્ટમાં લઈ જવાશે. અત્યાર સુધી 77 આરોપીઓની પોલીસે ધરપકડ કરી છે. CCTV ફૂટેજના આધારે પોલીસે આરોપીઓની ધરપકડ કરી છે.

ક્રાઈમ બ્રાંચે અત્યાર સુધીમાં 77 જેટલા આરોપીઓની ધરપકડ કરી છે. હજુ ક્રાઈમ બ્રાંચ દ્વારા આરોપીઓને પકડવા માટે સર્ચ ઓપરેશન કરવામાં આવી રહ્યુ છે. CCTV ફૂટેજ અને વીડિયોગ્રાફીના આધારે તપાસ કરવામાં આવી રહી છે. ઘર્ષણમાં સામેલ હજુ પણ કેટલાક આરોપીઓ ફરાર છે. ફરાર આરોપીઓને ઝડપી પાડવા માટે પોલીસની જુદી-જુદી ટીમ કામે લાગી છે.

ઉમરખાન પઠાણના રિમાન્ડ મંજૂર

ઉમરખાન પઠાણને અમદાવાદ મેટ્રો કોર્ટમાં રજૂ કરાયો હતો જેમાં તેના એક દિવસના રિમાન્ડ મંજૂર કરવામાં આવ્યા છે. પોલીસે ઉમરખાન પઠાણના 3 દિવસના રિમાન્ડની માગ કરી હતી. સોશિયલ મીડિયામાં ભડકાઉ પોસ્ટ મુદ્દે ઉમરખાન પઠાણની ધરપકડ કરવામાં આવી હતી. અને લોકોને વિરોધ દરમિયાન હિંસા માટે પણ ઉશ્કેર્યા હતા.