સોશિયલ મીડિયા દિવસે ને દિવસે જેટલું ઉપયોગી બની રહ્યું છે તેના કરતાં દસ ગણું ખતરનાક પણ બની રહ્યું છે. થોડા રૂપિયાની લાલચમાં આજે ગિઠયાઓ નિર્દોષ લોકો સાથે સાયબર ફ્રોડ કરતાં સહેજ પણ અચકાતા નથી, જેના પુરાવા હજારોની સંખ્યામાં સાયબર ક્રાઇમ પોલીસ સ્ટેશનમાં ભરીને પડ્યા છે. દિલ્હી ક્રાઇમ બ્રાંચ સે બોલ રહા હૂં, તેરે ખિલાફ ફિરયાદ હો રહી હૈ, આવો ફોન અમદાવાદના સીએ પર આવ્યો અને પછી ચીટરોએ રૂપિયા ખંખેરવાની જાળ બિછાવી હતી.
આ તરફ બદનામીના ડરથી યુવક આસાનીથી જાળમાં ફસાઈ ગયો અને તેણે બ્લેકમેલરને 1.25 લાખ રૂપિયા આપી દીધા. સીએ યુવકે વિડીયો કોલમાં ન્યૂડ યુવતીને જોઈ પોતાનાં કપડાં ઉતારી લીધાં. ત્યાર બાદ ગિઠયાઓએ સ્ક્રીન રેકોર્ડીંગ કરીને રૂપિયાની માગણી શરૂ કરી હતી. દિલ્હી, રાજસ્થાન, મહારાષ્ટ્ર તેમજ અન્ય રાજ્યના પોલીસ કર્મચારીઓના નામે લાખો રૂપિયા પડાવતી ગેંગ સક્રિય થઇ છે, જેની સંખ્યાબંધ ફરિયાદ સાયબર ક્રાઇમ પોલીસ સ્ટેશનમાં આવી છે. પોલીસના નામે ફોન તેવી વ્યક્તિઓ ઉપર આવી રહ્યા છે, જેઓ યુવતી સાથેના વીિડયો કોલમાં ન્યૂડ થયા હોય છે.
આવી જ એક ઘટના પ્રકાશમાં આવી છે, જેની વિગત એવી છે કે, તા.6 માર્ચના દિવસે સીએ અમિત (નામ બદલ્યું છે) પોતાના ઘરે હાજર હતો ત્યારે તેના વોટ્સઅપ પર મેસેજ આવ્યો હતો અને પૂછ્યું હતું કે તમારે શું કરવું છે? વોટ્સએપના ડીપીમાં યુવતીનો ફોટો હોવાથી અિમતે વીડિયો કોલ કરવાની જાણ કરી હતી, જેથી સામેથી વીડિયો કોલ આવતાં યુવકે વીડિયો કોલ ઉપાડ્યો હતો. વિડીયો કોલ ઉપાડતાંની સાથે જ યુવતી નગ્ન અવસ્થામાં હતી, જેણે અિમત સાથે પ્રેમભરી વાતચીત કરવાનું શરૂ કરી દીધું હતું. અમિત પણ આવેશમાં આવી ગયો હતો અને તેણે પોતાનાં કપડા ઉતારી દીધાં હતાં.
યુવક નગ્ન હોવાનું સ્ક્રીન રેકોર્ડીંગ કરી લીધું
વોટ્સએપ કોલ કરનાર ગઠિયાઓએ અમિત નગ્ન હોવાનું સ્ક્રીન રેકોર્ડીંગ કરી લીધું હતું. સ્ક્રીન રેકોર્ડીંગ કરી લીધા બાદ ગિઠયાઓએ અિમતને તે મોકલી આપીને પૈસાની માગણી કરવાનું શરૂ કરી દીધું હતું. ગઠિયાઓએ અિમતને પૂછ્યુ હતું કે તમારે આ વીડિયો રાખવો છે કે ડિલીટ કરવો છે? અમિતે વીડિયો ડિલીટ કરવાનું કહેતાં ગઠિયાએ પાંચ હજાર માગ્યા હતા.
અમિતે પાંચ હજાર રૂપિયા ટ્રાન્સફર કરતાં તેને જુદી જુદી રીતે ડરાવી- ધમકાવીને વીડિયો વાઈરલ કરવાની ધમકી આપીને કુલ રૂપિયા 1.25 લાખ પડાવી લીધા હતા, જે અંગે અમિતે સાયબર ક્રાઇમ પોલીસ સ્ટેશનમાં અરજી કરી હતી. અમિતના મોબાઇલ પર એક કોલ આવ્યો હતો, જેમાં સામેવાળી વ્યક્તિએ પોતાની ઓળખ દિલ્હી ક્રાઇમ બ્રાન્ચના એસપી ગૌરવ મલહોત્રા તરીકે આપી હતી અને ધમકી આપી હતી કે, તમારો ન્યૂડ વીડિયો યુટ્યૂબ પર વાઈરલ થયો છે અને યુટ્યૂબ તરફથી ફરિયાદ મળેલ છે, જેથી તમોને એરેસ્ટ કરવાના છે. અમિતે કોઇ રૂપિયા આપ્યા નહીં અને અંતે સાયબર ક્રાઇમ પોલીસ સ્ટેશનમાં ફરિયાદ કરી હતી.
વોટ્સએપ-ટ્રુકોલરમાં પોલીસ કર્મચારીની પ્રોફાઇલ સેટ હોય છે
દિલ્હી પુલીસ સે બોલ રહા હૂં તેમ કહી ફોન કરી લાખો રૂપિયા પડાવનારી રાજસ્થાનની ગેંગ સક્રિય થઇ છે. પહેલાં યુવતી સાથે ન્યૂડ વીડીયો કોલ કરાવે છે, ત્યાર બાદ ફરિયાદ થઇ છે તેવા ફોન કરે છે. ફોન કરનાર શખ્સોએ તેમના વોટ્સએપમાં પોલીસનો ડીપી રાખ્યો હોય છે. ત્યાર બાદમાં ટ્રુકોલરમાં પોલીસ કર્મચારીઓ હોવાનું લખાણ હોય છે. કોઇ પણ ભોગ બનનાર વ્યક્તિને પહેલી નજરમાં તે રીયલ પોલીસ ઓફિસર હોય તેમ લાગે છે. ખરેખર પહેલેથી નિર્દોષ લોકોને ફસાવવા માટેની આ એક ટ્રેપ હોય છે, જેથી કોઇ પણ વ્યક્તિ ફોન કરે તો સીધા નજીકના પોલીસ સ્ટેશનનો સંપર્ક કરવો.
રાજ્યના જે તે પોલીસ સ્ટેશનમાં ફોન કરીને કન્ફર્મ કરી લેવું
જ્યારે પણ આ પ્રકારનો ફોન આવે ત્યારે દિલ્હી, રાજસ્થાન, મહારાષ્ટ્ર, સહિત અનેક રાજ્યના જે તે પોલીસ સ્ટેશનમાં ફોન કરીને કન્ફર્મ કરી લેવું જરૂરી હોય છે. ગૂગલમાં સર્ચ કરો એટલે તમામ પોલીસ સ્ટેશનના નંબર મળી આવી જતા હોય છે. ગઠિયાઓનો શિકાર બનતાં અટકવું હોય તો પહેલાં જે તે રાજ્યની પોલીસને ફોન કરીને ખાતરી કરી લેવી જરૂરી છે.