અમદાવાદમાં થર્ટી ફર્સ્ટની ઉજવણીમાં દારૂના દુષણને લઈને પોલીસ એલર્ટ મોડમાં કામ કરી રહી છે. ત્યારે શહેરના એન્ટ્રી-એક્ઝિટ પોઈન્ટ પર 200 નાકાબંધી પોઈન્ટ બનાવાયા છે. જયારે સિંધુ ભવન રોડ, એસજી હાઈવે, રિવરફ્રન્ટ સહિતના સ્થળોએ પોલીસ દ્વારા ખડેપગે રહીને લોખંડી બંદોબસ્ત ગોઠવાયો છે.
અમદાવાદમાં થર્ટી ફર્સ્ટ માટે પોલીસનો એક્શન પ્લાન
એન્ટ્રી-એક્ઝિટ પોઈન્ટ પર 200 નાકાબંધી પોઈન્ટ બનાવ્યા
ગુજરાતમાં 31 ફર્સ્ટની ઉજવણીને લઈને પોલીસ એક્શન મોડમાં કાર્યવાહી કરી રહી છે. જેને લઈને અમદાવાદ પોલીસે 31 ફર્સ્ટમાં દારૂની રેલમછેલ અટકાવવા એક્શન પ્લાન બનાવ્યો છે. આથી દારૂના બંધાણીઓને ઘાણી સર્જાઈ છે. જેમાં શહેરના એન્ટ્રી એક્ઝિટ પોઈન્ટ પર 200 જેટલા સ્થળોએ નાકાબંધી પોઈન્ટ બનાવ્યા છે. તેમજ નબીરાઓને પકડવા પોલીસને 700 જેટલા બ્રીથ એનલાઈઝર પણ આપી દેવામાં આવ્યા છે.
બહારથી આવતાં વાહનોનું સઘન ચેકિંગ થશે
બીજી બાજુ પોલીસે અમદાવાદ શહેરના સિંધુ ભવન રોડ, એસજી હાઈવે, રિવરફ્રન્ટ પર સહિતનાં ટ્રાફિકથી ભરચક્ક રોડ પર કડક બંદોબસ્ત ગોઠવાયો છે. જેમાં બહારથી આવતાં વાહનચાલકોનું સઘન ચેકિંગ કરવામાં આવશે. ગુજરાતમાં 31 ફર્સ્ટની ઉજવણીમાં દારૂનું દુષણ અટકાવવા પોલીસે તૈયારીઓ કરી લીધી છે. હાલ નાતાલને લઈને રજાઓ અને 31 ડિસેમ્બરે પાર્ટીના આયોજનોમાં અન્ય રાજયમાંથી બુટલેગરો મોટાપાયે દારૂ ઘુસાડતા હોય છે ત્યારે અમદાવાદમાં આ દુષણને અટકાવવા પોલીસતંત્ર સજ્જ બન્યું છે.
રિવરફ્રન્ટ, વસ્ત્રાપુર લેક વિસ્તારમાં પોલીસ બંદોબસ્ત
એટલું જ નહીં કાર્યવાહીના ભાગરૂપે શહેરના રિવરફ્રન્ટ, વસ્ત્રાપુર, પ્રહલાદનગર ગાર્ડન, યુનિવર્સિટી વિસ્તારોમાં પોલીસ તૈનાત કરી દેવામાં આવી છે.સિંધુ ભવન રોડ, એસજી હાઈવે, એસપી રિંગરોડ પર 1200 બોડી વોર્ન કેમેરા, 14 ટોઈંગવાન, 8 ઈન્ટરસેપ્ટર વાનની મદદ લેવામા આવશે.આમ અમદાવાદમાં એન્ટ્રી-એક્ઝિટ પોઈન્ટ પર 200 નાકાબંધી પોઈન્ટ બનાવામાં આવ્યા છે.