સાયબર સિક્યુરીટી / 120 કરોડ યુઝર્સનો ડેટા ડાર્ક વેબ પર લીક થવાથી ખળભળાટ

• મોબાઈલ નંબર સહીતની માહિતીઓ લીક 
• હવે હેકર્સ મોટા પાયે હુમલાઓ કરે તેવો ભય
• 120 કરોડથી વધુ લોકોની માહિતીઓ લીક 

દુનિયાભરના સ્માર્ટફોન યુઝર્સમાં ખળભળાટ મચી ગયો

ડાર્કવેબ રિસર્ચર તરફથી આ ડેટા લિકની માહિતી આપવામાં આવ્યા છે. આ માહિતી એટલી હદે લીક થઇ છે કે હેકર્સ હવે તેમની ઓળખ કોઈ પણ વ્યક્તિ સાથે બદલી શકે છે. રિસર્ચર વિની ટ્રોઇયાએ આ લીક વિશે માહિતી આપી હતી. હવે હેકર્સ માટે કોઈનું પણ એકાઉન્ટ હેક કરવું સરળ થઇ જાય તેવો ભય છે. જો કોઈ એટેકરને કોઈ પણ વ્યક્તિની માહિતી ચોરાવવી હોય  અથવા હેક કરવું હોય તો તેનું URL અહીં ઉપલબ્ધ છે ત્યારે દુનિયાભરના સ્માર્ટફોન યુઝર્સમાં ખળભળાટ મચી ગયો છે. 

જોકે આ ડેટામાં પાસવર્ડ, ક્રેડિટ-ડેબીટ કાર્ડની માહિતી નથી

4 ટેરાબાઈટથી વધુના આ ડેટાબેઝનો સોર્સ શું છે તે હજુ સ્પષ્ટ નથી. જોકે આ સર્વરને ગૂગલ કલાઉડ સર્વિસીસ પર ખુબ સરળતાથી જોઈ શકાય છે. આ સર્વર ટ્રેક થવાનાં કારણે લોકોના ડેટા સિક્યુરિટી પર મોટો પ્રશ્ન ઉભો થયો છે.વધુ એકવાર મોટા પાયા પર યુઝર્સના ડેટા લીક થયા છે. 
આડેટા લીકમાં ફેસબુક, ટ્વિટર અને અન્ય સોશ્યલ મીડિયા એકાઉન્ટ્સની માહિતી પણ લીક કરવામાં આવી છે. 

ભારતીય સેના દ્વારા પણ સુરક્ષા જવાનોને વોટ્સએપ સેટિંગ્સ બદલવા માટે કહેવામાં આવ્યું 

જોકે રાહત વાત એ છે કે આ ડેટામાં પાસવર્ડ, ક્રેડિટ-ડેબીટ કાર્ડની માહિતી નથી પરંતુ ફોન નંબર અને અન્ય માહિતીઓન કારણે યુઝર્સના એકલાઉન્ટસ સરળતાથી હેક થઇ જવાનો ભય છે. તાજેતરમાં જ ભારતીય સેના દ્વારા પણ સુરક્ષા જવાનોને વોટ્સએપ સેટિંગ્સ બદલવા માટે કહેવામાં આવ્યું હતું. નોંધનીય છે કે પાકિસ્તાન જવાનોના વોટ્સએપ હેક કરીને માહિતી ચોરવા પ્રયત્ન કરી રહ્યું છે. આઈએસઆઈ દ્વારા સૈન્યના એક ઓફિસરને પાકિસ્તાનન ગ્રુપમાં જોડી દેવામાં આવ્યા હતા.