કેરલના તિરુવનંતપુરમમાં 12 વર્ષના એક બાળકે યુટ્યૂબ પરથી વીડિયો જોઈને દાક્ષમાંથી દારુ બનાવ્યો હતો અને આ દારૂ પોતાના સાથી મિત્રોને પિવડાવ્યો હતો.
કેરલમાંથી અજીબોગરીબ કિસ્સો સામે આવ્યો
12 વર્ષના બાળકે યૂટ્યૂબમાંથી જોઈને દેશી દારૂ બનાવ્યો
દારૂ બનાવ્યા બાદ પોતાના મિત્રોને પિવડાવ્યો, પછી થઈ જોવા જેવી
કેરલના તિરુવનંતપુરમમાં 12 વર્ષના એક બાળકે યુટ્યૂબ પરથી વીડિયો જોઈને દાક્ષમાંથી દારુ બનાવ્યો હતો અને આ દારૂ પોતાના સાથી મિત્રોને પિવડાવ્યો હતો. જે બાદ તબિયત ખરાબ થતાં તેમને હોસ્પિટલમાં ભરતી કરવામાં આવ્યા હતા. કહેવાય છે કે, તેના મિત્રોએ દારૂ પીધા બાદ ઉલ્ટી શરૂ કરી દીધી હતી અને તેમને નજીકની ચિરાયિનકીઝૂમાં એક હોસ્પિટલમાં ભરતી કરવામાં આવ્યા હતા.
પોલીસ ફરિયાદ નોંધી
પોલીસે જણાવ્યું હતું કે, આ તમામ છોકરાઓને હોસ્પિટલમાંથી રજા આપી દેવામાં આવી છે અને તેમની હાલત સ્થિર હોવાનું કહેવાય છે. એક વરિષ્ઠ અધિકારીએ જણાવ્યું હતું કે, આ ઘટના શુક્રવારે ઘટી હતી અને પોલીસને મળેલી વિગતો અનુસાર પોલીસ સ્ટેશનમાં ફરિયાદ નોંધી લેવામાં આવી છે.
આવી રીતે દારૂ બનાવ્યો
આ મામલામાં પોલીસે જણાવ્યું હતું કે, પૂછપરછ દરમિયાન છોકરાએ જણાવ્યુ હતું કે, તેણે તેના પપ્પાએ લાવેલી દ્રાક્ષનો ઉપયોગ કરીને દારૂ બનાવ્યો હતો. છોકરાએ કહ્યું કે, દારુમાં તેણે કોઈ અન્ય આલ્હોકોલ ભેળવ્યો નથી. દારૂ બનાવવા માટે તેણે યુટ્યૂબ પર જોયુ અને એક વીડિયો અનુસાર આ બોટલ તેણે ભરીને જમીનમાં નીચે દાટી દીધી. પોલીસે વધુમાં જણાવ્યું છે કે, છોકરાની માતાને ખબર હતી કે, તેમનો દિકરો દારૂ બનાવાની ટ્રાય કરી રહ્યો છે, પણ તેમણે આ વાતને ગંભીરતાથી લીધી નહીં.