દુર્ઘટના / અમદાવાદના પીરાણા ડમ્પિંગ સાઇટ પર કચરાનો પહાડ માથે પડતા 12 વર્ષની બાળકી દટાઇ, ફાયર વિભાગે હાથ ધર્યું રેસ્ક્યૂ

• અમદાવાદ સૂએજ ફાર્મના કચરા ઢગલામાં બાળકી દટાઈ
• 12 વર્ષની બાળકી કચરાના ઢગલામાં દટાઇ
• ફાયર વિભાગે રેસ્ક્યૂ હાથ ધર્યુ

અમદાવાદના પીરાણા ડમ્પિંગ સાઇટ પર 12 વર્ષની બાળકી કચરો વીણ રહી હતી તેવા સમયે કચરાનો મોટો ઢગલો ઉપરથી પડતા તે દટાઇ ગઇ છે. આ ઘટના રાત્રીના 8 વાગ્યા આસપાસ બની હતી. ઘટનાની જાણ થતા તાત્કાલિક ફાયર વિભાગના અધિકારીઓ અને પોલીસ જવાનો ઘટના સ્થળે દોડી આવ્યા હતા. છેલ્લા કેટલાક કલાકોથી આ ટીમ દ્વારા રેસ્ક્યૂ ઓપરેશન હાથ ધરવામાં આવ્યું છે. જોકે બાળકીન બચાવવા માટે જેસીબી અને અલગ અલગ મશીનો કામે લગાવી દેવામાં આવ્યા છે.

ફાયર વિભાગના અધિકારનું કહેવું છે કે, પ્રાથમિક માહિતી પ્રમાણે અહીં કામ કરતા પરિવારની એક બાળકી કચરાનો ઢગલો પડતા દટાઇ ગઇ છે. 8 વાગ્યે ફાયર વિભાગને આ અંગે જાણ કરવામાં આવી હતી. છેલ્લા કેટલાક કલાકોથી શોધવાના પ્રયત્નો કરવામાં આવી રહ્યા છે. 

મહત્વનું છે કે, કચરાનો ઢગલો ખુબ જ મોટા પ્રમાણમાં હોવાથી અને ઝેરીલો ગેસ પણ હોવાથી બાળકીને શોધવાનું કામ મુશ્કેલી બન્યું છે. હાલતો ફાયર વિભાગને પણ કહેવું મુશ્કેલ છે કે બાળકી કઇ જગ્યાએ છે અને કેટલી ઉંડી છે. ફાયર વિભાગ બાળકીને બચાવવા માટે સતત મહેનત કરી રહ્યું છે.