ગુજરાત રાજ્ય ઉચ્ચતર માધ્યમિક શિક્ષણ બોર્ડ દ્વારા લેવાયેલી ધોરણ 12 વિજ્ઞાન પ્રવાહની પરીક્ષાના પરિણામની તારીખની જાહેરાત કરવામાં આવી છે. ધોરણ 12 વિજ્ઞાનપ્રવાહનું પરિણામ આગામી 9 મેના રોજ જાહેર થશે. જે સવારે 8 વાગ્યાથી બોર્ડની વેબસાઈટ પર પરિણામ જોઈ શકાશે.
મળતી માહિતી મુજબ www.gseb.org વેબસાઈટ પર પરિણામ મુકાશે. તેમજ સવારે 10 થી સાંજના 6 વાગ્યા સુધી માર્કશીટનું વિતરણ કરવામાં આવશે. સાથે સાથે ગુજકેટનું પરિણામ પણ 9 મેના રોજ જાહેર કરવામાં આવશે. મહત્વનું છે કે, ધોરણ 12 વિજ્ઞાનપ્રવાહની બોર્ડની પરીક્ષા માર્ચ મહિનામાં લેવાઈ હતી.
સવારે 8 કલાકે બોર્ડની વેબસાઈટ પર પરિણામો મુકવામાં આવશે અને 10 વાગ્યા પછી પરિણામોની માર્કશીટ જે-તે શાળામાંથી આપવાની વ્યવસ્થા ગોઠવવામાં આવી છે. ચાલુ વર્ષે વિજ્ઞાન પ્રાવહમાં કુલ ૧,૫૭,૧૬૦ વિદ્યાર્થીઓ, તો સામાન્ય પ્રવાહના ૫,૨૨,૦૯૧ વિદ્યાર્થીઓ નોધાયા હતાં.