છેલ્લા કેટલાક સમયગાળાથી ભાજપનું નસીબ થોડું ધીમું ચાલી રહ્યું હોય તેવું લાગી રહ્યું છે. મહારાષ્ટ્રની ચૂંટણીમાં સત્તા હાથમાંથી ગઇ તો આ તરફ તાજેતરમાં દિલ્હી વિધાનસભામાં કેજરીવાલના જાદું સામે ભાજપ સત્તામાં આવી શક્યું નહીં ત્યારે હવે ગુજરાતના ડીસામાં ભાજપમાં ભંગાણની સ્થિતિ સર્જાઇ છે.
ન.પા. ભાજપના ચેરમેન સહિત 12 સભ્યોનાં રાજીનામા
છેલ્લા ઘણાં સમયથી ચાલતો હતો ગજગ્રાહ
રાજકારણમાં ગરમાવો
ઉલ્લેખનીય છે કે, બનાસકાંઠાના ડીસામાં હાલ ભાજપ શાસિત નગરપાલિકા છે. ત્યારે આજરોજ નગરપાલિકાના ભાજપના 12 સભ્યોના હોદ્દા પરથી રાજીનામા ધરી દેતા ખળભળાટ મચી જવા પામ્યો છે.
એક સાથે 12 સભ્યોના રાજીનામાં
આ ઘટના અંગે પ્રાપ્ત થતી વિગત અનુસાર, ડીસા નગરપાલિકામાં છેલ્લા કેટલાક સમયગાળાથી આંતરીક ગજગ્રહ ચાલી રહ્યો હતો. જો કે, પાલિકાના પ્રમુખના વિરોધમાં સભ્યોએ મોવડી મંડળને રજૂઆત કરી હતી તેમ છતાં ઉકેલ નહીં આવતા આજરોજ ન.પા. ભાજપના ચેરમેન સહિત 12 સભ્યોએ ધડાધડ રાજીનામા ધરી દીધા હતા.