ચકચાર / સોનભદ્ર નરસંહાર : 32 ટ્રેકટર ભરીને આવેલા 300 લોકોએ 10ને મોતને ઘાટ ઉતાર્યા, 12ની ધરપકડ

આ મામલામાં ગ્રામ પ્રધાનના ભત્રીજા સહિત 12 લોકોની ધરપકડ કરવામાં આવી છે. 16 જૂલાઇના 32 ટેક્ટર-ટ્રોલીઓ ભરીને પ્રધાન સહિત 300 લોકો જમીન પર કબ્જો જમાવવા માટે પહોંચ્યા અને નરસંહારમાં 10 લોકોએ જીવ ગુમાવ્યો જ્યારે 23 લોકો ઇજાગ્રસ્ત થયા હતા. તમને જણાવી દઇએ કે, આ ઘટના પછી ઉત્તર પ્રદેશના કાયદાકીય વ્યવસ્થાને આ લઇને સવાલો થઇ રહ્યા છે. 

સોનભદ્રમાં જમીન માટે થયેલા આ વિવાદમાં ગોળીઓ મારીને 10 લોકોની હત્યા કરી દીધી, ત્યાં સમ્ભલમાં ઘાત લગાવીને બેઠેલા બદમાશોએ 2 પોલીસ કર્મચારીઓને ગોળી મારીને હત્યા કરી દીધી અને 3 કેદીઓને છોડાવી દીધા. રાજ્યના વિધાનસભાના મૉનસૂન સત્ર શરૂ થયા પહેલા જ બુધવારે આ ઘટના બન્યા પછી સરકાર અને પોલીસ સતર્ક થઇ ગઇ છે. મુંખ્યમંત્રી આદિત્યનાથે બંને ઘટનાને લઇને સખ્ત કાર્યવાહી કરવાનો આદેશ આપ્યો છે. 

પોલીસ કમિશ્નર અનુસાર, સોનભદ્રના ઘોરાવલ થાણા વિસ્તારમાં ઉઘા ગામમાં 2 વર્ષ પહેલા ગ્રામ પ્રધાન યજ્ઞદત્તે એક IAS અધિકારીની પાસેથી 90 વીધા જમીન ખરીદી હતી. યજ્ઞદત્તે આ જમીન પર કબ્જો કરવા માટે મોટી સંખ્યામાં પોતાના સાથીઓની સાથે પહોંચીને ટ્રેક્ટરોથી જમીન ઝડપી લેવાનો પ્રયત્ન કર્યો. સ્થાનીક ગ્રામીણોએ આ વાતનો વિરોધ કર્યો જે પછી ગ્રામ પ્રધાન પક્ષના લોકોએ સ્થાનીક ગ્રામીણો પર ગોળીબાર કરીને મોતના ઘાટ ઉતારી દીધા. આ ઘટના પછી મધ્ય પ્રદેશ પોલીસને પણ સતર્ક કરી દેવામાં આવી છે. જરૂર પડ્યા પર જમીન વેચનારા IAS અધિકારી વિરુદ્ઘ કાર્યવાહી પણ કરવામાં આવશે.

ઉલ્લેખનીય છે કે, યોગી આદિત્યનાથે આ ઘટનામાં માર્યા ગયા લોકોને પરિવારજનોને 5-5 લાખ રૂપિયાની મદદ કરવાની જાહેરાત કરી છે. 

भाजपा-राज में अपराधियों के हौसले इतने बढ़ गए हैं कि दिन-दहाड़े हत्याओं का दौर जारी है।

सोनभद्र के उम्भा गाँव में भू माफियाओं द्वारा 3 महिलाओं सहित 9 गोंड आदिवासियों की सरेआम हत्या ने दिल दहला दिया।

प्रशासन-प्रदेश मुखिया-मंत्री सब सो रहे हैं। क्या ऐसे बनेगा अपराध मुक्त प्रदेश?

— Priyanka Gandhi Vadra (@priyankagandhi) July 17, 2019

તો બીજી તરફ આ મામલામાં કોંગ્રેસ મહાસચિવ પ્રિયંકા ગાંધીએ ટ્વીટ કરતા કહ્યુ કે, ''ભાજપ રાજમાં અપરાધીઓની હિંમત એટલી વધી ગઇ છે કે લોકોની હત્યા કરી દેવામાં આવી રહી છે. સોનભદ્રના ગામમાં 3 મહિલા સહિત કુલ 12 લોકોની હત્યા કરી દેવામાં આવી છે. પ્રશાસન મુખ્ય મંત્રી તમામ લોકો સૂઇ રહ્યા છે? કેવી રીતે બનશે અપરાધ મુક્ત પ્રદેશ?''