કચ્છ / ભુજમાંથી ઝડપાયું 12 કિલોગ્રામ ચરસ, 2 આરોપી ઝડપાયા, દરિયામાંથી તણાઈને આવ્યાનું અનુમાન

• કચ્છના ભુજમાંથી 12 કિલોગ્રામ ચરસ ઝડપાયુ
• ડ્રગ્સ જથ્થા સાથે બે આરોપી ઝડપાયા
• પશ્ચિમ ક્ચ્છ SOGની કાર્યવાહી

રાજ્યમાંથી હજુ ડ્રગ્સનો જથ્થો પકડવાની ઘટનાઓ યથાવત્ છે. એક બાદ એક જિલ્લામાંથી ડ્રગ્સ ઝડપાઇ રહ્યું છે. કચ્છના ભુજમાંથી 12 કિલોગ્રામ ચરસ ઝડપાયું છે. ડ્રગ્સ જથ્થા સાથે બે આરોપી ઝડપાયા છે. પશ્ચિમ કચ્છ SOGએ કાર્યવાહી કરી છે. તો ડ્રગ્સ દરિયાઈ વિસ્તારમાં તણાઈ આવ્યાનુ પ્રાથમિક અનુમાન લગાવાયું છે. આ અંગે વધુ તપાસ હાથ ધરાઈ રહી છે.

મહત્વનું છે કે, દ્વારકા, મુંદ્રા, મોરબીના ઝીંઝુડા, જામનગર-સલાયા, પોરબંદર, અમદાવાદ,  દ્વારકા, રાજકોટ, સુરત, વડોદરા બાદ હવે ફરી કચ્છ ભુજમાંથી ડ્રગ્સ ઝડપાયું છે. જોકે ગૃહરાજ્યમંત્રી ડ્રગ્સ વેચાણ અને હેરાફેરી અટકાવવા માટે કડક પગલા લેવાનું જણાવી ચૂક્યા છે.

અગાઉ ગુજરાતમાં ક્યાં કેટલું ઝડપાયું હતું ડ્રગ્સ?

• દ્વારકા કેસઃ નાવદ્રા બંદરેથી રૂ.120 કરોડનું ડ્રગ્સ ઝડપાવાનો મામલો
• દ્વારકા કેસઃ મોરબીના ઝીંઝુડા ગામેથી રૂ.600 કરોડનું ડ્રગ્સ
• જામનગરથી રૂ.10 કરોડનું ડ્રગ્સ ઝડપાયું
• રાજકોટમાં 7 ગ્રામ મેફેડ્રોન ડ્રગ્સ ઝડપાયું
• સુરતમાં MD ડ્રગ્સ લેબોરેટરી ઝડપાય
• અમદાવાદના બોપલ હાઈપ્રોફાઇલ ડ્રગ્સકાંડનો થયો પર્દાફાશ
• વડોદરા પોલીસે એક ગ્રૂપને 700 ગ્રામ ગાંજા સાથે ઝડપી પાડ્યું