અમેઝોનના સીઈઓ 2 દિવસથી એ માટે ચર્ચામાં છે કે તેમણે લોસ એન્જલસમાં 1,172 કરોડ રૂપિયાનું ઘર ખરીદ્યું છે. આ ઘર તેમણે પોતાની ગર્લફ્રેન્ડ લોરેન સાંચેજને ગિફ્ટમાં આપ્યું છે. આ ઘર 9 એકરમાં ફેલાયેલું છે. અને ઘરમાં ગજબની સુવિધાઓ છે.
જેફ બેઝોસે 1,172 કરોડનું ઘર ખરીદ્યું
વાર્નર એસ્ટેટ મેન્શનની ખરીદી કરી
સમગ્ર પ્રોપટી 9.4 એકરમાં ફેલાયેલી છે
એમેઝોનના સીઇઓ કોઈને કોઈ વાતને લઈને ચર્ચામાં રહેતાં હોય છે. ત્યારે હવે તેણે પોતાની ગર્લફ્રેન્ડ અને ભવિષ્યની પત્ની લોરેન સાંચેજ માટે લોસ એન્જલસના બેવર્લી હિલ્સ શહેરમાં 16.5 કરોડ ડોલરનું (અંદાજીત 1,172 કરોડ રૂપિયા)નું ઘર ખરીદ્યું છે. જો કે બેઝોસ અને તેમની ગર્લફ્રેન્ડ લોરેન સાંચેજ ઘણા સમયથી સારું ઘર શોધી રહ્યાં હતાં. અને તેમને મીડિયા કારોબારી ડેવિડ ગેફ્નની વાર્નર એસ્ટેટ મેન્સનની ખરીદી કરી છે. આ લોસ એન્જલસમાં સંપતિના સોદાનો સૌથી મોટો સોદો માનવામાં આવી રહ્યો છે.
ગેફ્ને આ પ્રોપટીને 1990માં 4.75 કરોડ ડોલરમાં ખરીદી હતી. જેનું નિર્માણ 1937માં વોર્નર સ્ટુડિયોએ કર્યું હતું. આ સમગ્ર પ્રોપટી 9.4 એકરમાં ફેલાયેલી છે. જેમાં સ્વીમીંગ પુલ, ગેસ્ટ હાઉસ, ટેનિસ કોર્ટ, ગેરેજ, ગેસ પંપ, ગાર્ડન અને ગોલ્ફ કોર્સ પણ સમાયેલો છે.
આ પહેલા પણ તેમણે 2019માં ન્યૂયોર્કમાં 554 કરોડનું 12 બેડરૂમવાળું ઘર ખરીદ્યું હતું.