જાગૃત / આખરે કેમ છૂટ્યો વાલીઓને ખાનગીનો મોહ, 1171 વિદ્યાર્થીઓએ કર્યો સરકારી શાળામાં પ્રવેશ

આખા રાજ્યમાં વાલી ઓ ખાનગી શાળાઓ તરફ દોટ લગાવી રહ્યાં છે ત્યારે વડોદરાનાં વાલીઓની આંખ ખૂલી ગઈ છે. વાલિઓ ખાનગી શાળા છોડી સરકારી શાળાઓ (government school) તરફ વળી રહ્યાં છે. 1171 વિદ્યાર્થીઓ (students) એ સરકારી શાળામાં પ્રવેશ મેળવ્યો છે. શાં માટે સંસ્કારી નગરીનાં જાગૃત વાલિઓ સરકારી શાળા તરફ વળ્યાં. ત્યારે તે જોઈએ આ રિપોર્ટમાં.

સરકારી શાળા નામ સાંભળતા જ આપણા નાકનું ટીચકું ચડી જાય અને કહેવા લાગીએ કે એમાં તો કંઈ બાળકને ભણાવાતા હશે. પરંતુ વડોદરા (vadodara) થી સરકારી શાળા બાબતે સારા સમાચાર સાંપડી રહ્યાં છે. વાલિઓ પોતાનાં બાળકોને ખાનગી શાળામાંથી ઉઠાડીને સરકારી સ્કૂલોમાં બેસાડી રહ્યાં છે અને તેનું એક જ કારણ છે કે સરકારી સ્કૂલોમાં ભણાવવાનું સ્તર સુધર્યુ છે. વડોદરા જિલ્લામાં નવા સત્રમાં 1171 વિદ્યાર્થીઓ ખાનગી શાળા (private school) માંથી સરકારી શાળામાં પ્રવેશ મેળવ્યો છે.

વડોદરા જિલ્લામાં તાલુકા વાઈઝ ખાનગી શાળામાંથી સરકારી શાળામાં આવેલાં વિદ્યાર્થીઓનાં આંકડા પર નજર કરીએ તો સાવલીમાં 106 ડભોઈમાં 163, કરજણમાં 28, વડોદરામાં 419, ડેસરમાં 46, પાદરામાં 275, વાઘોડિયામાં 159 અને શિનોરમાં 36 વિદ્યાર્થીઓએ પ્રવેશ લીધો છે. શાળાઓ ભલે કહેવાતી સરકારી પણ તેમાં સુવિધાઓ સાથે શિક્ષણની પણ કાળજી સરકાર લેતી થઈ છે. તેને કારણે જ વિદ્યાર્થીઓ ખાનગીમાંથી સરકારી તરફ જઈ રહ્યાં છે.

અત્યાર સુધી એવું કહેવામાં આવતું હતું કે ખાનગી શાળાનું શિક્ષણ સારું છે અને સુવિધાઓ પણ સારી મળી રહી છે. જો કે હવે ખાનગી શાળાઓમાં શિક્ષણનાં નામે લૂંટ ચલાવવામાં આવી રહી છે અને ખાનગી શાળાનો સ્ટાફ પણ ક્વૉલિફાઇડ હોતો નથી ત્યારે હવે વાલિઓ સમજતા થયા છે અને સાચી હકીકતથી વડોદરા જિલ્લાનાં વાલીઓની આંખ ખુલી છે અને હવે વાલીઓ જ ખાનગી શાળાને તિલાંજલિ આપી રહ્યાં છે. પોતાનાં બાળકોને લોકો ખાનગી શાળામાંથી ઉઠાડીને સરકારી શાળામાં પ્રવેશ અપાવી રહ્યાં છે.

વડોદરા જિલ્લામાં ધોરણ વાઇઝ સરકારી શાળામાં પ્રવેશ મેળવનાર વિદ્યાર્થીઓની યાદી જોઈએ તો પહેલાં ધોરણમાં 40, બીજા ધોરણમાં 213, ત્રીજા ધોરણમાં 180, ચોથા ધોરણમાં 214, પાંચમાં ધોરણમાં 200, છઠ્ઠા ધોરણમાં 232, સાતમાં ધોરણમાં 107, આઠમાં ધોરણમાં 94 વિદ્યાર્થીઓ સહિત કુલ 1171 વિદ્યાર્થીઓએ સરકારી શાળામાં પ્રવેશ લીધો. વિદ્યાર્થીઓનું ખાનગી શાળામાંથી સરકારી શાળામાં જવાનુ મુખ્ય કારણ મોંઘી ફી અને ગુણવત્તા વગરનું શિક્ષણ જવાબદાર છે.

ખાનગી શાળાઓ પાછળની આંધળી દોટમાંથી વાલીઓ બહાર આવી રહ્યાં છે અને સરકારી શાળાઓમાં હવે સુવિધાઓ વધી છે. સરકારી શાળાઓ આધુનિક લેબ, સારા બિલ્ડીંગો અને ડીગ્રીવાળા શિક્ષકો ધરાવે છે. ઉપરાંત 3 કિલોમીટરથી વધુ અંતરવાળા વિદ્યાર્થીઓને વાનની સુવિધા મળે છે. જેનાં કારણે હવે વાલીઓ સરકારી શાળા તરફ વળી રહ્યાં છે. સયાજીરાવ ગાયકવાડનાં વડોદરાથી સારું થયેલી આ પહેલ આખા રાજ્યમાં શરૂ થાય તો શિક્ષણ સસ્તું અને સારું બની શકે તેમ છે જરૂર માત્ર શાળાનાં સ્ટાફે અને વાલીઓએ શરૂઆત કરવાની છે.