અર્થતંત્ર / વર્ષ 2014થી લઇને અત્યાર સુધીમાં 114 એકમો બંધ થયા, 16 હજાર લોકોની નોકરીઓ પ્રભાવિત

• લોકસભામાં સરકાર દ્વારા રજુ કરાયા આંકડાઓ
• વર્ષ 2014થી લઇને અત્યાર સુધી દેશમાં 114 એકમો બંધ થયા
• અર્થવ્યવસ્થામાં જુલાઇથી સપ્ટેમ્બર વચ્ચે 6 વર્ષોમાં સૌથી ધીમા સ્તરે વધારો

લોકસભામાં પૂછાયા સવાલ

આ કંપનીઓ તથા તેમના એકમ કેમ બંધ થયા છે તેના અલગ-અલગ કારણોનો જવાબમાં ઉલ્લેખ કરવામાં આવ્યો છે. નોંધનીય છે કે લોકસભામાં BSP સાંસદ દાનિશ અલી તરફથી ચાર સવાલ પૂછવામાં આવ્યા હતા કે શું એ સત્ય છે કે ગત પાંચ વર્ષોમાં મોટી સંખ્યામાં કંપનીઓ બંધ થઇ ગઇ છે? તેના કારણો અને વિગતો શું છે ? કંપનીઓ બંધ થવા પર બેરોજગારીની સંખ્યા કેટલી છે? અને સરકાર તરફથી તેમની આજીવિકા માટે શું પગલા ઉઠાવવામાં આવ્યા છે? 

શ્રમ અને રોજગાર રાજ્ય મંત્રીએ આપ્યો આ જવાબ

આ સવાલો પર શ્રમ અને રોજગાર રાજ્ય મંત્રી સંતોષ ગંગવાર તરફથી જવાબ આપવામાં આવ્યો છે. આજીવિકાના સવાલ પર સંતોષ ગંગવારે જવાબ આપ્યો છે કે સરકાર તરફથી આવા પ્રભાવિત લોકોની મદદ માટે ઘણી યોજનાઓ ચલાવાઇ રહી છે. ગંગવાર તરફથી કહેવામાં આવ્યું કે, 'ઔદ્યોગિક વિવાદ અધિનિયમ 1947' હેઠળ તેઓને પરામર્શ આપવામાં આવે છે. અને સાથે જ તેમના કૌશલ્ય વિકાસ પર ધ્યાન આવવામાં આવી રહ્યું છે. 

AU1270 by Manas Mishra on Scribd

લોકસભામાં સરકાર તરફથી રજુ કરાયા આંકડા

શ્રમ મંત્રાલયની તરફથી રજુ કરવામાં આવેલા આંકડાઓ મુજબ વર્ષ 2014માં 33, 2015માં 22, 2016માં 27, વર્ષ 2018માં 8 અને વર્ષ 2019માં અત્યાર સુધી એક એકમ બંધ થયા છે. આ દરમિયાન કુલ 16,000 લોકો બેરોજગાર થયા છે. 

નોંધનીય છે કે, ભારતની અર્થવ્યવસ્થાને લઇને ચોંકાવનારા આંકડાઓ સામે આવ્યા છે. શુક્રવારે સામે આવેલા સત્તાવાર આંકડાઓ મુજબ, ભારતની અર્થવ્યવસ્થામાં જુલાઇથી સપ્ટેમ્બર વચ્ચે 6 વર્ષોમાં સૌથી ધીમા સ્તરે વધારો થયો છે. 

આ દરમિયાન દેશનો જીડીપી માત્ર 4.5 ટકા રહ્યો, જે ગત ત્રિમાસિક ગાળાના જીડીપી ( GDP ) 5 ટકાથી પણ ઓછો છે. 2018માં જુલાઇ-સપ્ટેમ્બર વચ્ચે જીડીપી 7 ટકા હતો. આ પહેલા સૌથી ઓછો જીડીપી 2013માં જાન્યુઆરી-માર્ચમાં નોંધવામાં આવ્યો હતો. આ દરમિયાન જીડીપી 4.3 ટકા રહ્યો હતો. એનએસઓ દ્વારા શુક્રવારે જાહેર કરાયેલા જીડીપી આંકડા મુજબ, ચાલુ નાણાકીય વર્ષ 2019-20ની જુલાઇ-સપ્ટેમ્બર દરમિયાન સ્થિર મૂલ્ય (2011-12) પર જીડીપી 35.99 લાખ કરોડ રૂપિયા રહ્યો. જે ગત વર્ષે આ અવધિમાં 34.43 લાખ કરોડ રૂપિયા હતો.